សមាគមន៍ទន្តសាស្រ្តអាមេរិកបានណែនាំឲ្យដុសធ្មេញយ៉ាងហោចណាស់ពីរដងក្នុងមួយថ្ងៃ។ ពេលដែលអ្នកដុសធ្មេញ អ្នកបានជួយយកអាហារ និងបន្ទះដែលស្អិតជាប់លើធ្មេញ និងបាក់តេរីចេញពីធ្មេញ។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

បន្ទាប់ពីអ្នកបរិភោគអាហារ ឬអាហារសម្រន់ដែលមានជាតិស្ករបាក់តេរីអាចបញ្ចេញអាស៊ីតដែលធ្វើឲ្យប៉ះពាល់ដល់ផ្នែកខាងក្រៅនៃធ្មេញរបស់អ្នក។ ការប៉ះពាល់ម្តងហើយម្តងទៀតអាចធ្វើឲ្យខូចស្រទាប់ខាងក្រៅរបស់ធ្មេញ និងអាចស៊ីដល់ប្រហោងនៃធ្មេញ។

អាន:ថ្នាំងងុយគេង ពេលអ្នកគួរប្រើ

បន្ទះដែលមិនត្រូវបានយកចេញក៏អាចរឹងជាប់នឹងធ្មេញដែលធ្វើឲ្យពិបាករក្សាធ្មេញអោយនៅស្អាតល្អ។ ក្នុងជម្រើសថាតើនៅពេលណាដែលត្រូវដុសធ្មេញ អ្នកក៏អាចពិចារណាលើរបបអាហារដែលអ្នកបានញ៉ាំ។

ប្រសិនបើអ្នកញ៉ាំអាហារ ឬភេសជ្ជៈដែលមានជាតិអាស៊ីត សូមជៀសវាងការដុសធ្មេញភ្លាម យ៉ាងហោចណាស់ ៣០ នាទី។ អាស៊ីតទាំងនេះធ្វើអោយផ្នែកខាងក្រៅនៃធ្មេញចុះខ្សោយ ហើយការដុសធ្មេញឆាប់ពេកអាចធ្វើឲ្យរបកស្រទាប់ទាំងនោះបាន។

ប្រសិនបើអ្នកដឹងថាអ្នកនឹងបរិភោគ ឬផឹកអ្វីមួយដែលមានជាតិអាស៊ីត សូមដុសធ្មេញរបស់អ្នកឲ្យហើយជាមុន។ លើសពីនេះទៀត ដើម្បីដុសធ្មេញសមាគមន៍ទន្តសាស្រ្តអាមេរិចបានណែនាំដូចខាងក្រោមនេះ ៖
• ប្រើខ្សែសម្រាប់សម្អាតចន្លោះធ្មេញជារៀងរាល់ថ្ងៃ
• បរិភោគអាហារដែលនាំឲ្យមានសុខភាពល្អ និងកំណត់ការញ៉ាំអាហារសម្រន់
• ដូរច្រាសដុសធ្មេញរៀងរាល់បីទៅបួនខែម្តង ឬឆាប់ជាងនេះ ប្រសិនបើសរសៃច្រាស់ត្រូវបានសឹក
• ពិនិត្យសុខភាពមាត់ធ្មេញជាមួយទន្តបណ្ឌិតឲ្យបានជាប្រចាំ៕