ថ្នាំផ្សះ និងស្រាអាចបង្កឲ្យមានផលប៉ះពាល់ស្រដៀងគ្នា ដូចជាមិនរំលាយអាហារ វិលមុខ និងងងុយគេង។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការរួមបញ្ចូលគ្នារវាងថ្នាំផ្សះ និងស្រាអាចបង្កើនផលប៉ះពាល់ទាំងនេះ។ ថ្នាំផ្សះមួយចំនួនដូចជា Metronidazole tinidazole និង trimethoprim-sulfamethoxazole មិនត្រូវប្រើជាមួយការញ៉ាំស្រានោះទេ ពីព្រោះនេះអាចបណ្តាលឲ្យមានប្រតិកម្មធ្ងន់ធ្ងរបន្ថែមទៀត។ ការញ៉ាំគ្រឿងស្រវឹងក្នុងកម្រិតណាមួយជាមួយនឹងថ្នាំទាំងនេះអាចបណ្តាលឲ្យមានផលប៉ះពាល់ដូចជាការឡើងក្រហមលើស្បែក ឈឺក្បាល ចង្អោរ ក្អួត និងបេះដូងលោតញាប់ពេក។

អាន:ថ្នាំងងុយគេង ពេលអ្នកគួរប្រើ

សូមចងចាំថាថ្នាំផ្តាសាយ និងទឹកខ្ពុរមាត់មួយចំនួនក៏មានផ្ទុកជាតិអាល់កុលផងដែរ។ ដូច្នេះ សូមពិនិត្យមើលក្រដាសណែនាំរបស់ផលិតផល និងជៀសវាងការប្រើផលិតផលទាំងនោះខណៈដែលកំពុងតែប្រើថ្នាំផ្សះ។

បើទោះបីជាស្រាមិនបានកាត់បន្ថយប្រសិទ្ធិភាពរបស់ថ្នាំផ្សះភាគច្រើនក៏ដោយ តែវាអាចធ្វើឲ្យអ្នកថយកំលាំង និងពន្យារពេលនៃការជាសះស្បើយពីជំងឺរបស់អ្នកបាន។

ដូច្នេះ វាជាគំនិតដ៏ល្អដើម្បីជៀសវាងការសេពគ្រឿងស្រវឹងរហូតដល់អ្នកបញ្ចប់ការប្រើប្រាស់ថ្នាំផ្សះ និងមានអារម្មណ៍ប្រសើរជាងមុនហើយ៕