ការថតកាំរស្មី X ក្នុងអំឡុងពេលមានផ្ទៃពោះ ជាទូទៅត្រូវបានចាត់ទុកថាមានសុវត្ថិភាព។ វាទំនងជាមិនត្រូវបានណែនាំឲ្យប្រើកាំរស្មី X ដើម្បីធ្វើរោគវិនិច្ឆ័យក្នុងអំឡុងពេលមានផ្ទៃពោះនោះទេ ព្រោះវានឹងអាចធ្វើឲ្យប៉ះពាល់ដល់ការអភិវឌ្ឍន៍នៃទារកក្នុងផ្ទៃ។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ការថតកាំរស្មី X ភាគច្រើនបំផុតដែលរួមទាំងការថតលើដៃ ជើង ក្បាល ធ្មេញ ឬទ្រូង ដែលកាំរស្មីមិនបានទៅប៉ះនឹងសរីរាង្គបន្តពូជរបស់អ្នក ហើយអាវសំណរអាចរារាំងវិទ្យុសកម្មទាំងនោះបាន។ ករណីលើកលែង គឺការថតកាំរស្មី X នៅលើពោះ ហើយកូនរបស់អ្នកក៏ទទួលរងកាំរស្មីផងដែរ។
អាន:ថ្នាំងងុយគេង ពេលអ្នកគួរប្រើ
កាំរស្មី X កម្រិតខ្ពស់អាចបង្កឲ្យកោសិការបស់កូនប្រែជារីកលូតលាស់យ៉ាងឆាប់រហ័ស។ ការប្រែប្រួលនេះអាចបង្កើនហានិភ័យដល់ទារកក្នុងការពិការភាពពីកំណើត ឬជាជំងឺមហារីកមួយចំនួនដូចជាជំងឺមហារីកឈាម។
ចូរចាំថា ទោះជាយ៉ាងណាក៏ដោយ កម្រិតធម្មតានៃកាំរស្មី X សម្រាប់ការធ្វើរោគវិនិច្ឆ័យ ដូចជាមិនបង្កឲ្យមានហានិភ័យនោះឡើយ បើសូម្បីតែថតលើពោះ ឬតំបន់អាងត្រគៀកក៏ដោយ។ មុនពេលថតកាំរស្មី X សូមប្រាប់គ្រូពេទ្យ ប្រសិនបើអ្នកគិតថាអាចមានផ្ទៃពោះ។ ដោយអាស្រ័យទៅលើកាលៈទេសៈ វាអាចធ្វើទៅបានចំពោះរូបភាពវេជ្ជសាស្រ្តមួយចំនួនដែលមិនពាក់ព័ន្ធនឹងកាំរស្មីវិទ្យុសកម្ម ដូចជាអេកូ ឬ MRI ជាដើម។
លើសពីនេះទៀត ប្រសិនបើអ្នកមានកូនតូចដែលត្រូវការពិនិត្យដោយកាំរស្មី X អ្នកមិនគួរនៅជាមួយកូនរបស់អ្នកក្នុងកំឡុងពេលថតនោះទេ ប្រសិនបើអ្នកមាន ឬអាចមានផ្ទៃពោះ។ ប្រសិនបើអ្នកបានថតកាំរស្មី X ដើម្បីធ្វើរោគវិនិច្ឆ័យមុនពេលដែលអ្នកបានដឹងថាអ្នកមានផ្ទៃពោះ សូមចាំថាហានិភ័យអាចមានតែមិនខ្លាំងពេកនោះទេ។
ប្រសិនបើអ្នកព្យាបាលដោយកាំរស្មី X ចំពោះស្ថានភាពជំងឺណាមួយ ហានិភ័យអាចនឹងមានច្រើនបន្ថែមទៀត។ សូមនិយាយពីការព្រួយបារម្ភអំពីការប៉ះពាល់នៃវិទ្យុសកម្មជាមួយនឹងគ្រូពេទ្យរបស់អ្នក។ គាត់អាចពិគ្រោះយោបល់ជាមួយអ្នកជំនាញវិទ្យុសាស្រ្តដើម្បីគណនាពីការប៉ះពាល់វិទ្យុសកម្មចំពោះទារករបស់អ្នក៕
