លោកយាយ​លោកតា ដែល​ស្រឡាញ់​គ្នា​បានយូរ ក៏​ទាមទារ ការខិតខំ​ប្រឹងប្រែង ដើម្បី​រក្សា​ចំណងស្នេហា​នេះ​ផង​ដែរ​។ សុភមង្គល ទាមទារ​ការស្រឡាញ់ ការយកចិត្តទុកដាក់ ការអត់អោន និង​ការអត់ធ្មត់ ជា​រៀងរាល់ថ្ងៃ​។​

​ខាងក្រោម​នេះ គឺជា​ទម្លាប់​ប្រចាំ​ថ្ងៃ​មួយ​ចំនួន ដែល​អ្នក​គួរ​ដាក់​បញ្ចូល ទៅ​ក្នុង​គ្រួសារ​របស់​អ្នក ហើយ​រង់ចាំ​មើល​ថា​តើ អ្នក​មាន​សេចក្តីសុខ និង​សុភមង្គល​ប៉ុណ្ណា​ទៅ​?

១. ចូល​គេង​ម៉ោង​ដូច​គ្នា ព្រម​ជាមួយ​គ្នា​
២. បង្កើត​សកម្មភាព ការកំសាន្ត ឬ​ចំណូលចិត្ត​ជាមួយគ្នា​
៣. ដើរ​កាន់​ដៃ​គ្នា​
៤. ស្មោះត្រង់ និង​អត់អោន ចំពោះ​កំហុសឆ្គង របស់​ដៃគូ​
៥. ផ្តោត​សំខាន់​ទៅលើ ចំណុច​វិជ្ជមាន និង​អ្វី​ដែល​ដៃគូ​ធ្វើ​បាន​ល្អ មិនមែន​គិត​អំពី ចំណុច​ខ្វះខាត​ឡើយ​
៦. អោប និង​ថើប​គ្នា​រាល់ថ្ងៃ ជាពិសេស ពេល​បែក​គ្នា​ទៅ​ធ្វើការ ឬ​ពេល​ជួប​មុខ​គ្នា​វិញ​
៧. និយាយថា “​បង​ស្រឡាញ់​អូន​! ឬ អូន​ស្រឡាញ់​បង​” ឲ្យបាន​ញឹកញាប់​
៨. ក្រោយ​ពេល​ភ្ញាក់​ពី​គេង ត្រូវ​ថើប​ប្តី ឬ​ប្រពន្ធ​អ្នក រួច​និយាយថា “​អរុណ​សួស្តី​”
៩. និយាយថា “​រាត្រី​សួស្តី​” មុនពេល​ចូល​គេង ទោះបីជា​អ្នក ពិបាកចិត្ត ឬ​កំពុង​ជួប​បញ្ហា​អ្វី​ក៏ដោយ​
១០. ទូរស័ព្ទ ឬ​ផ្ញើរ​សារ​សួរសុខទុក្ខ​គ្នា ជា​រៀងរាល់ថ្ងៃ​៕