អ្នកអាចជួយការពារពីការមានជំងឺស្ទះសរសៃឈាមខួរក្បាលមួយរយៈ ឬជំងឺស្ទះសរសៃឈាមខួរក្បាលប្រសិនបើអ្នកគ្រប់គ្រងកត្តាហានិភ័យ និងព្យាបាលបញ្ហាសុខភាពដទៃទៀត ដែលអាចនាំឲ្យកើតមានជំងឺនេះ។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

អ្នកអាចជួយការពារជំងឺស្ទះសរសៃឈាមខួរក្បាលមួយរយៈ ឬជំងឺស្ទះសរសៃឈាមខួរក្បាលដោយប្រើនូវជំហ៊ាននៃការរស់នៅប្រកបដោយសុខភាព។

អាន:ថ្នាំងងុយគេង ពេលអ្នកគួរប្រើ

គ្រូពេទ្យអាចជួយអ្នកឲ្យដឹងពីហានិភ័យរបស់អ្នក។ ខាងក្រោមនេះ គឺជាកត្តាហានិភ័យទូទៅចំពោះជំងឺស្ទះសរសៃឈាមខួរក្បាល ៖
– អ្នកមានជំងឺចង្វាក់បេះដូង
– អ្នកជក់បារី
– អ្នកមានជំងឺលើសឈាម
– អ្នកមានកម្រិតកូឡេស្តេរ៉ុលខ្ពស់
– អ្នកមានជំងឺទឹកនោមផ្អែម
– អ្នកលើសទម្ងន់
– អ្នកមិនធ្វើលំហាត់ប្រាណទៀងទាត់
– អ្នកផឹកស្រាច្រើន។

វិធីការពារ

– គ្រប់គ្រងសម្ពាធឈាម ឬកម្រិតកូឡេស្តេរ៉ុលខ្ពស់របស់អ្នកដោយធ្វើវាជាមួយនឹងគ្រូពេទ្យ
– គ្រប់គ្រងជំងឺទឹកនោមផ្អែម ដោយរក្សាកម្រិតជាតិស្ករនៅក្នុងឈាមឲ្យនៅធម្មតា
– ប្រសិនបើគ្រូពេទ្យរបស់អ្នកផ្តល់ដំបូន្មានឲ្យអ្នកប្រើថ្នាំអាស្ពីរីន ឬថ្នាំឲ្យឈាមរាវនានា សូមប្រើវា វាអាចជួយការពារជំងឺស្ទះសរសៃឈាមខួរក្បាលបាន
– ប្រើថ្នាំឲ្យបានច្បាស់លាស់ទៅតាមវេជ្ជបញ្ជា
– សម្របខ្លួនទៅនឹងរបៀបរស់នៅប្រកបដោយសុខភាព
– កុំជក់បារី ឬអោយនរណាដែលនៅជិតអ្នកជក់
– កំណត់ការផឹកស្រាឲ្យបានតិចបំផុត
– រក្សាទម្ងន់ឲ្យនៅល្អ
– ធ្វើសកម្មភាពដែលបង្កើនចង្វាក់បេះដូងរបស់អ្នក ហើយការធ្វើលំហាត់ប្រាណឲ្យបានយ៉ាងហោចណាស់៣០នាទីស្ទើរតែរាល់ថ្ងៃក្នុងមួយសប្តាហ៍ គឺជាជម្រើសដ៏ល្អមួយ
– ញ៉ាំអាហារប្រកបដោយសុខភាពល្អ៕