ជាការពិតណាស បងប្អូនមិត្តនារីបានដឹងខ្លះៗហើយថា ភាគច្រើន រោគសញ្ញាដំបូងៗនៃជំងឺមហារីកមាត់ស្បូនពិតជាស្ងៀមស្ងាត់ ហើយលាក់បាំងមនុស្សស្រីយើង រហូតទាល់តែវាឈានដល់ដំណាក់កាលហួសពេលព្យាបាលទៅហើយ ដូច្នេះ មានតែការឧស្សាហ៍ទៅពិនិត្យសុខភាពជាប្រចាំនោះទេ ទើបអាចកំណត់ និងស្វែងរកជំងឺ និងមូលហេតុរបស់វា ដើម្បីងាយស្រួលក្នុងការព្យាបាលឲ្យបានទាន់ពេលវេលា។
ជាក់ស្តែង តាមការស្រាវជ្រាវ ស្ត្រីមួយចំនួនត្រូវការពេលដល់ទៅ ៦ ឆ្នាំ ទើបអាចដឹងថាខ្លួនឯងកើតជំងឺមហារីកមាត់ស្បូន ពីព្រោះតែគ្មានរោគសញ្ញាអ្វីកត់សម្គាល់គួរឲ្យបារម្ភទាល់តែសោះ។ ដូច្នេះ អ្នកត្រូវប្រយ័ត្ន និងកត់សម្គាល់នូវការខុសប្លែកនានានៅក្នុងរាងកាយរបស់អ្នក ជាពិសេសតំបន់ប្រដាប់បន្តពូជ។
រោគសញ្ញានៃជំងឺមហារីកមាត់ស្បូនដែលអ្នកត្រូវទៅជួបគ្រូពេទ្យជាបន្ទាន់ ៖
1. ឈឺចាប់តំបន់ប្រដាប់ភេទ ឬក្នុងពោះ
2. ហូរឈាម
3. ហូរទឹករំអិលខុសធម្មតា
4. មានជំងឺខ្វះគ្រាប់ឈាម (ស្លេកស្លាំង)
5. ស្រកទម្ងន់
6. បញ្ហាផ្លូវទឹកនោម
7. ឈឺងំនៅខ្នង សន្លាក់ត្រគាក និងជើង
8. ប្រព័ន្ធភាពស៊ាំចុះខ្សោយ (ឧស្សាហ៍ឈឺ)
9. ឈឺក្នុងពេលរួមភេទ៕