អណ្តាត ដែលមានសុខភាពល្អ គឺត្រូវតែមានពណ៌ផ្កាឈូក។ ដូច្នេះ កាលណាពណ៌របស់អណ្តាតប្រែប្រួល វាអាចបង្ហាញពីកត្តាដូចខាងក្រោម ៖
អាន:ថ្នាំងងុយគេង ពេលអ្នកគួរប្រើ
1. អណ្តាតពណ៌ក្រម៉ៅ ៖ អណ្តាតអាចប្រែទៅជាពណ៌ខ្មៅ ឬក្រម៉ៅ ដោយសារការបង្ករោគរបស់បាក់តេរី និងមេរោគផ្សិត ឬអាចដោយសារអាហារមានពណ៌មួយចំនួន និងថ្នាំជក់ផងដែរ។ ជាញឹកញាប់ បញ្ហានេះទាក់ទងទៅនឹងអនាម័យមាត់ធ្មេញ។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
2. អណ្តាតពណ៌លឿង ៖ វាជាលទ្ធផលនៃការបង្ករោគបាក់តេរីដូចគ្នា។
3. អណ្តាតពណ៌ស ៖ បញ្ហានេះអាចមានមូលហេតុជាច្រើនដូចជា ៖
• កង្វះជាតិទឹក
• ការឆ្លងមេរោគផ្សិត
• ជំងឺប្រព័ន្ធភាពស៊ាំ។
4. អណ្តាតពណ៌ក្រហម ឬអណ្តាតស្រ្តបឺរី ៖ បញ្ហានេះ អាចជាលទ្ធផលនៃជំងឺមួយចំនួនដូចខាងក្រោម ៖
• កង្វះវីតាមីន B12
• ជំងឺគ្រុនក្តៅ
• ជំងឺរលាកសរសៃឈាម។
5. អណ្តាតពណ៌ត្នោត ៖ ភាគច្រើន គឺទាក់ទងទៅនឹងជំងឺមហារីកស្បែក។
6. មានរលាក មានដុំសាច់ ឬឈឺចាប់នៅលើអណ្តាត ៖ ខាងក្រោមនេះ គឺជាហេតុផលសំខាន់ដែលអាចកើតឡើង៖
• ជំងឺទឹកនោមផ្អែម
• ជំងឺស្លេកស្លាំង
• ការជក់បារីអាចធ្វើអោយរលាកអណ្តាត
• អាហារដែលក្តៅពេក ឬខាំអណ្តាតពេលទំពារ
• ស្ត្រីមួយចំនួនមានអារម្មណ៍ថា ក្រហាយអណ្តាត ក្រោយពេលពួកគេអស់រដូវ
• ស្ត្រេស
• ជំងឺមហារីកមាត់ដែលច្រើនកើតលើអ្នកជក់បារី និងអ្នកផឹកស្រា
• ការឆ្លងមេរោគផ្សិត។
7. ស្ពឹកអណ្តាត ឬឈឺអណ្តាត ៖ ការបាត់បង់ការដឹងរបស់អណ្តាត ភាគច្រើនទាក់ទងទៅនឹងការខូចខាតប្រព័ន្ធសរសៃប្រសាទ៕