ផលវិបាកញឹកញាប់ទូទៅបំផុតនៃជំងឺរលាកខ្នែងពោះវៀន គឺការបែកធ្លាយ។ ការធ្លាយនៃខ្នែងពោះវៀនអាចនាំឲ្យមានខ្ទុះជុំវិញខ្នែងពោះវៀន ឬរលាកស្រោមពោះ។

អាន:ថ្នាំងងុយគេង ពេលអ្នកគួរប្រើ

ហេតុផលចំបងចំពោះការធ្លាយខ្នែងពោះវៀន គឺការពន្យារពេលចំពោះការធ្វើរោគវិនិច្ឆ័យ និងការព្យាបាល។ ជាទូទៅ ការពន្យារពេលយូរប៉ុណ្ណារវាងការធ្វើរោគវិនិច្ឆ័យ និងការវះកាត់ ហានិភ័យនៃការធ្លាយ គឺមានច្រើនប៉ុណ្ណោះ។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ហានិភ័យនៃការធ្លាយ ៣៦ ម៉ោងក្រោយពីចាប់ផ្តើមចេញរោគសញ្ញា គឺយ៉ាងហោចណាស់មាន ១៥ ភាគរយ។ លើសពីនេះ នៅពេលដែលជំងឺរលាកខ្នែងពោះវៀនត្រូវបានគេធ្វើរោគវិនិច្ឆ័យឃើញ ការវះកាត់ គួរតែត្រូវបានធ្វើដោយមិនមានការពន្យារពេលអ្វីទាំងអស់។

ផលវិបាកដែលមិនសូវជាជួបនៃជំងឺរលាកខ្នែងពោះវៀន គឺការស្ទះនៃពោះវៀន។ ការស្ទះនេះកើតមាននៅពេលដែលការរលាកជុំវិញខ្នែងពោះវៀន បណ្តាលឲ្យសាច់ដុំពោះវៀនបញ្ឈប់ការធ្វើការងារ ហើយនេះរារាំងអាហារដែលមាននៅក្នុងពោះវៀនក្នុងការបន្តចលនាទៅមុខ។

ប្រសិនបើពោះវៀនតូចនៅពីលើការស្ទះចាប់ផ្តើមបំពេញដោយទឹក និងខ្យល់ ពោះវៀនរីក ហើយចង្អោរ និងក្អួតអាចកើតមាន។ បន្ទាប់មក វាអាចចាំបាច់ក្នុងការបង្ហូរអ្វីដែលមាននៅក្នុងពោះវៀនចេញក្រៅ តាមរយៈការដាក់បំពង់តាមច្រមុះ និងបំពង់អាហារ និងចូលទៅក្នុងក្រពះ និងពោះវៀនតូច។

ផលវិបាកដែលគួរឲ្យខ្លាចនៃជំងឺរលាកខ្នែងពោះវៀន គឺការមានមេរោគនៅក្នុងឈាម ដែលបញ្ហានេះគឺបាក់តេរីដែលបង្កជាជំងឺចូលទៅក្នុងចរន្តឈាម និងធ្វើដំណើរទៅផ្នែកដទៃទៀតនៃខ្លួន។ នេះគឺជាបញ្ហាធ្ងន់ធ្ងរបំផុតហើយឈានទៅរកការបាត់បង់ជីវិត៕