ត្រាក់កូម គឺជាជំងឺឆ្លង បង្កដោយបាក់តេរី ដែលប៉ះពាល់លើភ្នែក។ បាក់តេរីដែលបណ្តាលឲ្យមានជំងឺនេះ គឺរីករាលដាលតាមរយៈ ការប៉ះពាល់ផ្ទាល់ជាមួយសារធាតុរាវរបស់ភ្នែក ត្របកភ្នែក ច្រមុះ ឬបំពង់ក របស់មនុស្សដែលឆ្លងមេរោគ។
អាន:ថ្នាំងងុយគេង ពេលអ្នកគួរប្រើ
ត្រាក់កូម គឺជាជំងឺដែលឆ្លងខ្លាំងណាស់ ហើយតែងតែប៉ះពាល់លើភ្នែកទាំងសងខាង។ រោគសញ្ញានៃជំងឺនេះ ចាប់ផ្តើមឡើងដោយការរមាស់ និងរលាកកម្រិតស្រាលលើភ្នែក និងត្របកភ្នែក ដែលនាំឲ្យឈឺភ្នែក និងស្រវាំងភ្នែក។ ជំងឺត្រាក់កូម បើមិនបានព្យាបាល វាអាចនាំឲ្យពិការភ្នែកបាន។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ជំងឺត្រាក់កូម ជាមូលហេតុចម្បងជាងគេ នៃបញ្ហាពិការភ្នែក ដែលគេអាចបង្ការបាន នៅទូទាំងពិភពលោក។ អង្គការសុខភាពពិភពលោក (WHO) បានប៉ាន់ប្រមាណថា ប្រជាជនប្រមាណជា ៨ លាននាក់ នៅទូទាំងពិភពលោក មានបញ្ហាភ្នែក ដោយសារតែជំងឺនេះ។ អង្គការសុខភាពពិភពលោកបានប៉ាន់ប្រមាណទៀតថា មានជាង ៨៤ លាននាក់ ត្រូវការការព្យាបាលវាជាចម្បង ដែលមាននៅក្នុងតំបន់ក្រីក្រ នៃប្រទេសកំពុងអភិវឌ្ឍ។ នៅក្នុងប្រទេសក្រីក្របំផុត នៅអាហ្វ្រិក ប្រេវ៉ាឡង់ក្នុងចំណោមកុមារអាចឈានដល់ ៤០ ភាគរយ។
ប្រសិនបើជំងឺនេះ ត្រូវបានព្យាបាលបានឆាប់ ជាញឹកញាប់ វាអាចការពារផលវិបាក បានជាច្រើនបន្ថែមទៀត៕