តាមរយៈការសិក្សាស្រាវជ្រាវមួយចំនួនបានបង្ហាញឲ្យឃើញថា ទឹកទំពាំងបាយជូរ ផ្តល់នូវអត្ថប្រយោជន៍មួយចំនួនដល់បេះដូង ៖

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

• ជួយកាត់បន្ថយហានិភ័យនៃការកកឈាមក្នុងសរសៃឈាម
• ជួយកាត់បន្ថយកូឡេស្តេរ៉ូលអាក្រក់
• ជួយការពារការខូចខាតសរសៃឈាមក្នុងបេះដូង
• ជួយរក្សាសម្ពាធឈាមអោយអ្នកមានសុខភាពល្អ។

អាន:ថ្នាំងងុយគេង ពេលអ្នកគួរប្រើ

ផ្លែទំពាំងបាយជូរ សម្បូរទៅដោយសារធាតុប្រឆាំងអុកស៊ីតកម្ម ដែលអាចជួយការពារសុខភាពអ្នក។ សារធាតុប្រឆាំងអុកស៊ីតកម្មទាំងនេះ ត្រូវបានរកឃើញជាចម្បងនៅក្នុងសម្បក ដើម ស្លឹក និងគ្រាប់របស់ទំពាំងបាយជូរ។

ចំនួននៃសារធាតុប្រឆាំងអុកស៊ីតកម្មក្នុងផ្លែទំពាំងបាយជូរ អាស្រ័យលើកត្តាជាច្រើន រួមទាំងប្រភេទនៃទំពាំងបាយជូរ ប្រភពដែលវាដុះ និងវិធីសាស្រ្តក្នុងការដាំវា។ ផ្លែទំពាំងបាយជូរក្រហម និងពណ៌ស្វាយក្រម៉ៅ មានសារធាតុប្រឆាំងអុកស៊ីតកម្មច្រើនជាងទំពាំងបាយជូរពណ៌ស ឬពណ៌បៃតង។

ដូចគ្នានេះដែរ កម្រិតនៃការប្រឆាំងអុកស៊ីតកម្មសម្បូរនៅក្នុងស្រាក្រហមផងដែរ។ ប៉ុន្តែ អ្នកត្រូវចាំទុកផងដែរថា អ្នកគួរបរិភោគផ្លែទំពាំងបាយជូរទាំងមូល ជាជាងការទទួលទឹកទំពាំងបាយជូរជាប្រចាំ។

ការស្រាវជ្រាវមួយចំនួនបានបង្ហាញថា ផ្លែទំពាំងបាយជូរទាំងមូលផ្តល់នូវសារធាតុប្រឆាំងអុកស៊ីតកម្មច្រើនជាងទឹកទំពាំងបាយជូរ និងស្រាក្រហម ប៉ុន្តែ ទឹកទំពាំងបាយជូរក៏ចាត់ទុកជាអាហារជាតិសរសៃផងដែរ៕