ការរៀនពីការចេះគ្រប់គ្រង់ ទៅលើពេលវេលាឱ្យបានល្អ វាពិតជាសំខាន់ណាស់ នៅក្នុងការជួយឱ្យជីវិតរបស់អ្នក មានតុល្យភាពទាំងជីវិតការសិក្សា និងជីវិតនៅក្នុងសង្គម។
ប្រសិនបើអ្នកជាមនុស្សម្នាក់ ដែលមានការរៀបចំពេលវេលាបានយ៉ាងល្អ នោះអ្នកនឹងអាច ធ្វើវាហើយបានតែក្នុងរយៈពេលមួយយ៉ាងខ្លី ហើយអ្នកនឹងមានពេលវេលា សម្រាប់ការសប្បាយផ្សេងៗរបស់អ្នកទៀតផង។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ប្រសិនបើអ្នកជាមនុស្ស ដែលគ្រប់គ្រងលើពេលវេលាបានល្អ នោះអ្នកនឹង ៖
អាន:ថ្នាំងងុយគេង ពេលអ្នកគួរប្រើ
• អ្នកអាចកាត់បន្ថយអារម្មណ៍ស្ត្រេស ឬក៏ក្តីបារម្ភនានា។ នៅពេលអ្នកបានរៀនពីការគ្រប់គ្រង លើពេលវេលារបស់អ្នកហើយ នោះអ្នកនឹងមិនទុកនូវការងាររបស់អ្នកចោល រហូតទាល់តែទឹកដល់ច្រមុះហើយ ទើបយកមកធ្វើនោះទេ ហើយអ្នកក៏មិនមានអារម្មណ៍ថា មានសម្ពាធនោះដែរ។
• អ្នកអាចមានពេលវេលាច្រើន សម្រាប់ការងាររបស់អ្នកឱ្យសម្រេច ព្រោះអ្នកបានចាប់ធ្វើវា តាំងតែពីវិនាទីដំបូង និងមានពេលវេលាច្រើន សម្រាប់ការស្រាវជ្រាវ ហើយមានពេលវេលា សម្រាប់ការពិនិត្យលើការងាររបស់អ្នក ឡើងវិញផងដែរ។
• មួយវិញទៀតនោះ គឺចំណេញពេលវេលា។ បន្ទាប់ពីអ្នកបានបញ្ចប់ការងាររបស់អ្នករួចរាល់ អ្នកមិនចាំបាច់ព្រួយបារម្ភពីវាទៀតទេ ដូច្នោះហើយ អ្នកអាចមានពេលវេលាគ្រប់គ្រាន់ ដើម្បីធ្វើនូវអ្វីដែលអ្នកចង់ធ្វើ ដោយមិនមានពាក្យថា “ត្រូវតែធ្វើ” នៅក្នុងចិត្តរបស់អ្នកឡើយ៕