កុមារម្នាក់រួចផុតគ្រោះថ្នាក់ពីជំងឺផ្តាសាយបក្សី H5N1 ដោយក្រុមគ្រូពេទ្យគន្ធបុប្ផាសង្រ្គោះជីវិត ។ នេះបើតាមមូលនិធិគន្ធបុប្ផាកម្ពុជា បានប្រកាសនាល្ងាចថ្ងៃទី១៦ ខែកញ្ញា ឆ្នាំ២០២នេះ ។
នៅថ្ងៃនេះមន្ទីរពេទ្យគន្ធបុប្ផា បានប្រកាសពីភាពជោគជ័យក្នុងការសង្រ្គោះជីវិតក្មេងស្រីម្នាក់មកពីខេត្តតាកែវ ដែលបានឆ្លងវីរុស H5N1 ឬជំងឺផ្តាសាយបក្សី ដែលស្ថានភាពកុមារីរូបនេះមានសភាពធ្ងន់ធ្ងរ និងមានហានិភ័យខ្ពស់គ្រោះថ្នាក់ដល់ជីវិត ជាមួយនិងការរលាកសួតខ្លាំង ។
មន្ទីរពេទ្យគន្ធបុប្ផាបានបញ្ជាក់ថា បន្ទាប់ពីក្រុមគ្រូពេទ្យបានខំប្រឹងប្រែងព្យាលបាលកុមាររីរូបនេះ យ៉ាងយកចិត្តទុកដាក់បំផុតរយៈពេល១១ថ្ងៃ នៅមន្ទីរពេទ្យគន្ធបុប្ផាភ្នំពេញ បច្ចុប្បន្នកុមាររូបនេះបានរួចផុតពីទ្វារបច្ចុរាជ និង បានត្រឡប់ទៅផ្ទះវិញ ជាមួយស្នាមញញឹម ។
មន្ទីរពេទ្យគន្ធបុប្ផា ក៏បានស្នើពលរដ្ឋទាំងអស់កុំបរិភោគសត្វមាន់-ទារ ដែឈឺ ឬស្លាប់ដោយសារជំងឺ និងសូមអនុវត្តតាមការណែនាំរបស់ក្រសួងសុខាភិបាល ពេលជួបសត្វដែលបានឈឺ ឬ ងាប់ ៕