សម្ពាធឈាមចុះទាប អាចហាក់ដូចជាពិបាកនឹងកើតមានឡើង។ ទោះជា​យ៉ាង​ណា ​សម្រា​ប់មនុស្សជាច្រើន ការមានសម្ពាធឈាមចុះទាប អាចបណ្តាលឲ្យមានរោគសញ្ញា​នៃ​ការវិលមុខ ឬអាចធ្វើឲ្យដួលសន្លប់បាន។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ក្នុងករណីធ្ងន់ធ្ងរ សម្ពាធឈាមចុះទាប អាច​ជា​កា​រគំរាមកំហែងដល់អាយុជីវិត។ ទោះបីជាយ៉ាងណាសម្ពាធឈាមអាចមានការប្រែប្រួលពីមនុស្សម្នាក់ទៅមនុស្សម្នាក់ ដែល​ជាទូទៅវាអាចនៅក្រោម ៩០ មីលីម៉ែត្របារត (mmHg) ចំពោះសម្ពាធឈាមស៊ីស្តូល (សម្ពាធ​ឈា​មខាងលើ) ឬតិចជាង ៦០ មីលីម៉ែត្របារត ចំពោះសម្ពាធឈាមដ្យាស្តូល (សម្ពាធឈាមខា​ងក្រោម) អាចចាត់ទុកបានថាជាការមានសម្ពាធឈាមចុះទាប។

(អាន:ថ្នាំងងុយគេង ពេលអ្នកគួរប្រើ)

មូលហេតុនៃការមានសម្ពាធ​ឈា​​ម​ចុះ​ទាប អាចមានការប្រែប្រួលចាប់ពីការខ្វះជាតិទឹកទៅទល់នឹងបញ្ហាវេជ្ជសាស្រ្ត ឬការវះ​កា​​ត់ធ្ងន់ធ្ងរណាមួយ។ សម្ពាធឈាមចុះទាប គឺអាចព្យាបាលបាន តែវាគឺជារឿងសំខាន់ក្នុងការ​រ​កឲ្យឃើញនូវមូលហេតុដែលបានបណ្តាលឲ្យមានស្ថានភាពនេះ ដូច្នេះ នេះវាអាចឲ្យ​យើ​​​ងធ្វើ​ការ​ព្យាបាលបានត្រឹមត្រូវ។ លក្ខខណ្ឌដែលអាចបណ្តាលឲ្យសម្ពាធឈាមទាបអា​ច​​មា​នដូចជា ៖

  • ការមានផ្ទៃពោះ
  • មានបញ្ហាបេះដូង
  • ការមានបញ្ហាក្រពេញអង់ដូគ្រីន
  • កង្វះជាតិទឹក
  • ការបាត់បង់ឈាម
  • ការបង្ករោគធ្ងន់ធ្ងរ
  • ការមានប្រតិកម្មធ្ងន់ធ្ងរ (អាណាហ្វីឡាក់ទិច)
  • កង្វះសារធាតុចិញ្ចឹមនៅក្នុងរបបអាហារដែលអ្នកទទួលទាន៕