ជំងឺឆ្កួតជ្រូក គឺជាជំងឺប្រព័ន្ធសរសៃប្រសាទកណ្តាល ដែលសកម្មភាពរបស់កោសិកាសរសៃប្រសាទនៅក្នុងខួរក្បាលត្រូវបានរំខាន ដែលជាហេតុបង្កឲ្យប្រកាច់ ដែលពេលនោះធ្វើឲ្យអ្នកជំងឺមានអារម្មណ៍ ឬឥរិយាបថមិនធម្មតា ហើយរោគសញ្ញាដែលរួមទាំងការបាត់បង់សារតីផងដែរ។ រោគសញ្ញានៃការប្រកាច់អាចមានភាពប្រែប្រួល។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
មនុស្សមួយចំនួនដែលមានជំងឺឆ្កួតជ្រូក អាចគ្រាន់តែស្លឺភ្នែកពីរបីវិនាទីក្នុងអំឡុងពេលប្រកាច់ ខណៈដែលអ្នកផ្សេងទៀតអាចមានការកន្ត្រាក់ដៃជើងម្តងហើយម្តងទៀត។ ការយល់ពីស្ថានភាពខ្លួនឯងផ្ទាល់ អាចជួយអោយអ្នកជំងឺអាចគ្រប់គ្រងស្ថានភាពជំងឺដោយខ្លួនឯងបាន។ មានវិធីមួយចំនួនដែលអ្នកមានជំងឺឆ្កួតជ្រូកគួរតែស្វែងយល់ ដើម្បីរស់នៅឲ្យបានប្រសើរឡើងដេលក្នុងនោះមានដូចជា៖
(អាន:ថ្នាំងងុយគេង ពេលអ្នកគួរប្រើ)
• ចេះប្រើប្រាស់ថ្នាំឲ្យបានត្រឹមត្រូវ៖ មិនត្រូវដូរកម្រិតថ្នាំដោយខ្លួនឯង ដោយមិនបានពិភាក្សាជាមួយវេជ្ជបណ្ឌិតជាមុន។ ប្រសិនបើអ្នកមានអារម្មណ៍ថាថ្នាំដែលអ្នកប្រើគួរតែមានការផ្លាស់ប្តូរ សូមពិភាក្សាវាជាមួយវេជ្ជបណ្ឌិតរបស់អ្នកជាមុនសិន។
• គេងឲ្យបានគ្រប់គ្រាន់៖ ការគេងមិនបានគ្រប់គ្រាន់អាចបង្កឲ្យប្រកាច់បាន។ ត្រូវប្រាកដថាអ្នកគេងបានគ្រប់គ្រាន់រៀងរាល់យប់។
• ត្រូវមានអ្វីជាប់នឹងខ្លួនដែលអាចអោយអ្នកដទៃអាចដឹងបានថាអ្នកមានជំងឺឆ្កួតជ្រូកពេលមានបញ្ហាម្តងៗ៖ នេះនឹងអាចជួយអ្នកសង្គ្រោះបន្ទាន់ ដឹងពីរបៀបក្នុងការព្យាបាលអ្នកបានត្រឹមត្រូវ និងទាន់ពេលវេលា។
• ធ្វើលំហាត់ប្រាណ៖ លំហាត់ប្រាណអាចជួយឲ្យរាងកាយមានសុខភាពល្អ និងអាចជួយកាត់បន្ថយជំងឺធ្លាក់ទឹកចិត្តបាន។ ធ្វើឲ្យប្រាកដថាអ្នកបានញ៉ាំទឹក និងសម្រាកបានគ្រប់គ្រាន់។ ត្រូវចាំថាប្រសិនបើអ្នកហត់ពេក ក៏មិនជាការល្អសម្រាស់ស្ថានភាពនេះឡើយ៕