មន្ទីរពេទ្យបង្អែកស្អាង បានប្រកាសកាលពីពេលថ្មីៗនេះថា រោគសញ្ញាខ្លីៗមួយចំនួនពីជម្ងឺពងបែកមាត់ដៃជើង ៖ Hand foot mouth disease.
១. ចម្លងដោយវីរុស (EV71 រឺ Coxsackie virus) ជាជម្ងឺកើតមានយូរហើយ មិនមែនជម្ងឺថ្មីអីទេ។
២. ជាទូទៅការបង្ករ អាការះរោគគឺស្រាល ហើយជាស្បើយវិញក្នុងរយះពេល 1 សប្តាហ៍ដំបូង ,អាចឆ្លងតាមរយះផ្លូវដង្ហើម ទឹកមាត់ជាដើម។
៣. ការព្យាបាលដោយថ្នាំក៏ពុំមានអ្វីពិសេសណាស់ណានោះដែរលើករណីស្រាលភាគច្រើន (ព្យាបាលបន្ថូបន្ថយរោគសញ្ញា) ។
៤. យ៉ាងណាក៏ដោយ វាមានភាគរយតិចណាស់ ដែលជាកម្របំផុតដោយវិវត្តន៍ប្រែជាអាក្រក់ ធ្ងន់ធ្ងរខ្លាំង (encephalitis, cardiorespiratory failure) មានឱកាសខ្ពស់ដែលគ្រោះថ្នាក់ដល់ជីវិតក្នុងរយៈត្រឹមតែ ២ទៅ ៣ថ្ងៃប៉ុណ្តោះ ។
៥. បើមានរោគសញ្ញាផ្លូវដង្ហើម (ហត់) រឺអាការៈកន្រ្ទាក់ សន្លឹម បែកញើស ស្អិត ចង្វាក់បេះដូង ញ៉ាប់ខ្លាំងខុសធម្មតា ត្រូវរូតរះបន្ទាន់ទៅមន្ទីរពេទ្យធំ ៕