បញ្ហាដែលបាក់តេរីមានការស៊ាំនឹងថ្នាំផ្សះ ត្រូវបានកើនមានឡើងនៅទូទាំងពិភពលោក។ មានកត្តាជាច្រើនដែលអាចជាមូលហេតុ។ បច្ចុប្បន្ននេះ ក្រុមគ្រូពេទ្យមានក្តីបារម្ភយ៉ាងខ្លាំង ពីព្រោះតែថ្នាំមិនសូវមានប្រសិទ្ធភាពក្នុងការព្យាបាលការឆ្លងមេរោគ។
បាក់តេរីពពួកខ្លះដែលមិនងាយនឹងព្យាបាលឲ្យជាបាននោះទេ ពីព្រោះថ្នាំផ្សះមួយចំនួនបានស៊ាំលែងមានប្រសិទ្ធភាព។
(អាន:ថ្នាំងងុយគេង ពេលអ្នកគួរប្រើ)
មានបាក់តេរីជាច្រើនដែលមានសមត្ថភាពក្នុងការផ្លាស់ប្តូរការឆ្លើយតបរបស់ពួកវាទៅនឹងថ្នាំផ្សះ។ ប្រសិនបើបាក់តេរីទាំងនេះនៅតែអាចរស់បានបន្ទាប់ពីបានប៉ះពាល់ទៅនឹងថ្នាំផ្សះជាក់លាក់ណាមួយហើយនោះ ពួកវានឹងបង្កើនចំនួនកូនចៅ ហើយនៅទីបំផុតប្រភេទថ្មីនៃបាក់តេរីនេះនឹងទៅជំនួសឲ្យពពួកបាតេរីចាស់ៗដែលទន់ខ្សោយ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
បន្ទាប់មកថ្នាំផ្សះដែលកាន់តែខ្លាំងនឹងត្រូវការប្រើជាចាំបាច់ ប៉ុន្តែនៅទីបំផុតម៊ុយតាស្យុងនៃពពួកបាក់តេរីនឹងកើតមានឡើងដែលអនុញ្ញាត្តិឲ្យបាក់តេរីបន្ត ដើម្បីស៊ាំនឹងថ្នាំសូម្បីតែថ្នាំដែលថ្មីបំផុត និងដ៏មានឥទ្ធិពលបំផុតក៏ដោយ។
ប្រសិនបើអ្នកមានជំងឺផ្តាសាយ នោះអ្នកមិនត្រូវការការប្រើប្រាស់ថ្នាំផ្សះនោះទេ។ អ្នកមិនគួរប្រើដោយខ្លួនឯង ឬប្រើតាមនរណាម្នាក់ផ្សេងទៀតនោះទេ។ ប្រសិនបើអ្នកត្រូវបានចេញវេជ្ជបញ្ជាឲ្យប្រើថ្នាំផ្សះ អ្នកគួរតែប្រើវាឲ្យបានពេញលេញ និងមិនទុកវាសម្រាប់ការប្រើប្រាស់នៅពេលក្រោយទៀតនោះទេ៕
