ចំនួនធំតែងធ្វេសប្រហែសជាមួយនឹងសញ្ញាដំបូងនៃជំងឺមហារីកស្បូន ហើយបណ្តោយរហូតមានអាការធ្ងន់ធ្ងរទើបរកគ្រូពេទ្យ។
អ្នកជំនាញបានបង្ហាញថា ជំងឺមហារីកស្បូន មានសភាពធ្ងន់ធ្ងរមិនងាយនឹងព្យាបាលនោះទេ ហើយអាចគ្រោះថ្នាក់ដល់ជីវិតថែមទៀត។ ដូច្នេះ ដើម្បីជៀសផុតពីគ្រោះថ្នាក់មនុស្សស្រីគួរតែស្វែងយល់ពីរោគសញ្ញាដំបូងនៃជំងឺនេះឲ្យបានច្បាស់។
១.ហូរឈាមខុសប្រក្រតី
សញ្ញាទូទៅនៃជំងឺមហារីកមាត់ស្បូន គឺហូរឈាមតាមទ្វារមាសខុសប្រក្រតី តែស្ត្រីភាគច្រើនមិនសូវអើពើឡើយ។ ការហូរឈាមនេះ អាចកើតឡើងក្នុងចន្លោះពេលមករដូវ ឬបន្ទាប់ពីការរួមភេទរួច ជាពិសេសការហូរឈាមពេលមករដូវមានសភាពធ្ងន់ធ្ងន់ ហើយមានរយ:ពេលយូរជាងធម្មតា។ រីឯរោគសញ្ញាព្រមានដ៏សំខាន់នៃជំងឺមហារីកមាត់ស្បូន ចំពោះស្ត្រីអស់រដូវ គឺការហូរឈាមតាមទ្វារមាស។
២.ហូរទឹករំអិលខុសប្រក្រតី
ការហូរទឹករំអិលតាមទ្វារមាសមានច្រើនប្រភេទ ដែលអាចជាសញ្ញាដំបូងនៃជំងឺមហារីកស្បូន រួមមាន៖ មានសភាពស្លេក, រាវ, ពណ៌ត្នោត, ធំក្លិនអាក្រក់, មានលាយឈាម…។
៣.ឈឺចាប់អាងត្រគាក និងឆ្អឹងខ្នង
អាការឈឺអាងត្រគាកក្នុងអំឡុងពេលរួមភេទ អាចជាសញ្ញានៃជំងឺមហារីកមាត់ស្បូន ព្រោះស្បូនចាប់ផ្តើមផ្លាស់ប្តូរខុសប្រក្រតី។ ហេតុនេះ អ្នកត្រូវចាំថា មហារីកមាត់ស្បូន អាចធ្វើឲ្យមានការឈឺចាប់រីករាលដាលទៅដល់អាងត្រគាក និងខ្នង។
ក្នុងករណីដែលជំងឺមហារីកមាត់ស្បូន ឈានដល់ដំណាក់កាលធ្ងន់ធ្ងរ អាចបង្ហាញរោគសញ្ញាដូចជាល៖ ឈឺខ្លាំងនៅតំបន់ខ្នង ឬអាងត្រគាក, មានការលំបាកក្នុងការបន្ទោរបង់ម្តងៗ, ហើមជើងតែម្ខាង ឬជើងទាំងពីរ, ចេះតែអស់កម្លាំង, ស្រកទម្ងន់គ្មានមូលហេតុ។ ដូច្នេះ ប្រសិនបើស្ត្រីទាំងឡាយឧស្សាហ៍កើតមានអាការណាមួយដូចដែលបានរៀបរាប់ខាងលើ សូមប្រញាប់ទៅពិនិត្យសុខភាពជាបន្ទាន់៕