ខ្ញុំទើបតែបានចាប់ផ្តើមផ្លាស់វេនធ្វើការទៅពេលយប់វិញ ហើយខ្ញុំកំពុងតែមានបញ្ហាក្នុងការគេងនៅពេលថ្ងៃ។ តើមានគន្លឹះណាមួយ សម្រាប់ជួយដល់ការគេងថ្ងៃ ចំពោះអ្នកធ្វើការវេនយប់ដែរឬទេ?
ជាធម្មជាតិ មនុស្សត្រូវមានស្មារតីពេញលេញក្នុងអំឡុងពេលថ្ងៃ ហើយត្រូវគេងនៅពេលយប់។ ការគេងពេលថ្ងៃបានល្អ គឺអាចធ្វើទៅបាន ប្រសិនបើជាការងារពេលយប់របស់អ្នក គឺជាភាពចាំបាច់នៃជីវិតការងាររបស់អ្នក។
ដើម្បីធ្វើអោយការគេងមានភាពល្អប្រសើរជាងមុន ក្នុងអំឡុងពេលថ្ងៃ អ្នកគួរតែ ៖
• ជៀសវាងសារធាតុរំញោច មុនពេលចូលគេង ៖ ប្រសិនបើអ្នកកំពុងតែធ្វើការពេលយប់ ហើយត្រូវការគេងពីពេលព្រឹករហូតដល់ពេលរសៀល អ្នកគួរតែព្យាយាមជៀសវាងជាតិកាហ្វេអ៊ីន បន្ទាប់ពីពាក់កណ្ដាលយប់តទៅ។
• បង្កើតបរិស្ថានសម្រាប់ការគេង ៖ ដើម្បីបង្កើនការគេងដោយមិនមានការរំខាន សូមបិទទូរស័ព្ទរបស់អ្នក ធ្វើអោយបន្ទប់ងងឹត។ បន្ថយម៉ាស៊ីនត្រជាក់ ពាក់របាំងភ្នែក និងកាស់ហើយដាក់សញ្ញា ”កុំរំខាន” នៅលើទ្វារបន្ទប់គេងរបស់អ្នក។ សូមធ្វើការណាត់ជួប នៅក្រៅពីពេលគេងរបស់អ្នក ហើយរំលឹកគ្រួសារ និងមិត្តភក្តិរបស់អ្នកកុំអោយរំខានអ្នក។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
• ចូលគេង និងភ្ញាក់ដឹងខ្លួននៅក្នុងពេលដូចគ្នាជារៀងរាល់ថ្ងៃ អាចជួយអោយការគេងបានល្អ។ សូម្បីតែនៅលើចុងសប្តាហ៍ និងថ្ងៃឈប់សម្រាកក៏ដោយ។
(អាន:ថ្នាំងងុយគេង ពេលអ្នកគួរប្រើ)
• ធ្វើអោយរបៀបរស់នៅមានសុខភាពល្អ បរិភោគអាហារដែលមានសុខភាពល្អ និង រួមបញ្ចូលទាំងការហាត់ប្រាណ ជាទម្លាប់ប្រចាំថ្ងៃរបស់អ្នក។ មានគម្រោងនឹងធ្វើអ្វីមួយ បន្ទាប់ពីអ្នកក្រោកឡើង ជាជាងមុនពេលដែលអ្នកចូលគេង។
ប្រសិនបើគន្លឹះទាំងនេះមិនអាចជួយបាន សូមពិគ្រោះជាមួយគ្រូពេទ្យ ឬគ្រូពេទ្យជំនាញរបស់អ្នក៕