អ្នកប្រហែលជាត្រូវបានគេប្រាប់ថា ការញ៉ាំការ៉ុត អាចជួយដល់សុខភាពភ្នែក និងធ្វើឲ្យអ្នកមើលឃើញច្បាស់ជាងមុន ជាពិសេស នៅពេលយប់។
(អាន៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
វាជាការពិត … ប៉ុន្តែ ព័ត៌មាននេះ ត្រូវបានគេបំភ្លើស លើសពីការគិត។
ការ៉ុត មានផ្ទុកសារធាតុ beta-carotene ដែលត្រូវបានស្រូបចូលក្នុងរាងកាយ ហើយម្លែងទៅជាវីតាមីន A ដែលជាវីតាមីនចាំបាច់ សម្រាប់សុខភាពស្បែក និងប្រព័ន្ធភាពស៊ាំ។
(អាន៖ ថ្នាំងងុយគេងពេលអ្នកគួរប្រើ)
វាក៏មានប្រយោជន៍ផងដែរ សម្រាប់សុខភាពភ្នែក ដោយការពារភ្នែកពីជំងឺនានា ហើយក៏ជួយឲ្យភ្នែកងាយសម្របទៅនឹងពន្លឺ និងជួយឲ្យអ្នក មើលឃើញច្បាស់ផងដែរ ទោះបីជានៅកន្លែងងងឹត ឬភ្លឺក្តី។
ពេលអ្នកខ្វះវីតាមីន A ការ៉ុត អាចជួយឲ្យភ្នែកអ្នក ភ្លឺច្បាស់ល្អជាងមុនបាន ប៉ុន្តែ វាទាល់តែការមើលមិនសូវឃើញនោះ ពិតជាបណ្តាលមកពី កង្វះវីតាមីន A ពិតប្រាកដមែន។
យ៉ាងណាមិញ ការ៉ុត មិនមែនជាបន្លែតែមួយគត់ ឬផ្ទុកសារធាតុ beta-carotene ល្អជាងបន្លែបន្លែផ្សេងៗទៀតនោះឡើយ។ ស្ពីណាច និងដំឡូងជ្វា ក៏អាចជាជម្រើសរបស់អ្នកផងដែរ៕