Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ថ្ងៃ​ទី​២៨ ខែកុម្ភៈ នេះ​ថា កម្ពុជា​បាន​បន្ត​រក​ឃើញ​ករណី​ឆ្លង​អូ​មី​ក្រុង​៣៥៦​នាក់​បន្ថែម​ទៀត ដែល​ធ្វើ​ឲ្យ​ចំនួន​នៃ​ការ​ឆ្លង​ចូល​សហគមន៍​ហក់​ឡើង​៨៩៥៦​នាក់ ។

ក្រសួងសុខាភិបាល​បាន​បញ្ជាក់​ថា រក​ឃើញ​ករណី​វិជ្ជមាន​វីរុស​កូ​វី​ដ​១៩​ថ្មី ចំនួន​៣៥៦​នាក់ ដែល​ជា​ប្រភេទ​អូ​មី​ក្រុង​ទាំងអស់ ក្នុង​នោះ​ករណី​ឆ្លង​សហគមន៍ ៣៤២​នាក់ និង​ករណី​នាំ​ចូល ១៤​នាក់ ខណៈ​អ្នក​បានជា​សះស្បើយ​ថ្មី​មាន​ចំនួន ៤១៩​នាក់ តែ​មិន​មាន​អ្នក​បាត់បង់​ជីវិត ។

គិត​មក​ទល់​ពេល​នេះ ករណី​ឆ្លង​កូ​វី​ដ​១៩ សរុប​នៅ​ក្នុង​ប្រទេស​កម្ពុជា មាន​ចំនួន 130,276 នាក់​, ករណី​ជា​សះស្បើយ​សរុប 123,772 នាក់ និង​ស្លាប់​សរុប 3,032​នាក់ ៕