រាជធានី​ភ្នំពេញ ៖ នៅ​យប់​ថ្ងៃ​ទី​០៨ ខែកុម្ភៈ​នេះ សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​កម្ពុជា បាន​ផ្ញើ​សារ​ពិសេស​ជូន​ជន​រួមពី​វិធាន​បន្ទាន់​ទប់ទល់​នឹង​ករណី​ឆ្លង​កើនឡើង​នៃ​កូ​វី​ដ​-១៩ និង អំពាវនាវ​ឱ្យ​ប្រុង​ប្រយ័ត្ន​ចំពោះ​ការ​រីក​រាលដាល​ជំងឺ​កូ​វី​ដ​១៩ ខណៈ​ករណី​ឆ្លង​កើន​លើស​២០០​នាក់ ក្នុង​១​ថ្ងៃ​។

សម្តេច​តេ​ជោ ហ៊ុន សែន​ផ្ញើ​ជូន​ជនរួមជាតិ​ពី​វិធាន​បន្ទាន់​ទប់ទល់​នឹង​ករណី​ឆ្លង​កើនឡើង​នៃ​កូ​វី​ដ​-១៩ ។ ក្នុង​សារ​សំឡេង​នោះ​ដែរ សម្ដេច​តេ​ជោ បាន​ស្នើ​សុំ​ឱ្យ​ពលរដ្ឋ​កាត់​បន្ថយ​ការ​ជួបជុំ ផឹកស៊ី កម្សាន្ត​សប្បាយ កាត់​បន្ថយ​មនុស្ស​ក្នុង​កម្មវិធី​ផ្សេង​ៗ​ផង​ដែរ ដើម្បី​ទប់​កុំឱ្យ​រាលដាល​ទៅ​តាម​បណ្តា​ខេត្ត​ដទៃ​ទៀត ។

សម្តេច​តេ​ជោបានមានប្រសាសន៍បន្តថា អាជ្ញាធរ​ដែនដី គួរ​មាន​វិធានការ​រឹត​ត្បឹ​ត​បន្ថែម​លើ​ការ​ជួបជុំ​បែប​សាសនា ពិធីបុណ្យ ពិធី​មង្គលការ និង​ការ​ជួបជុំ​កម្សាន្ត​សប្បាយ​នានា ឲ្យ​មាន​ចំនួន​អ្នកចូលរួម​កាន់តែ​តិច​កាន់តែ​ល្អ និង​ត្រូវ​ប្រកាន់ខ្ជាប់​វិធានការ​នានា ដើម្បី​ទប់ស្កាត់​ការ​ឆ្លង​រីក​រាលដាល​ជំងឺ​កូ​វី​ដ​-១៩​បន្ថែម​ទៀត​ ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង