ស្ត្រីជាម្តាយគួរបំបៅដោះកូនឲ្យបានយូរបំផុតតាមដែលអាចធ្វើទៅបាន

ការបំបៅដោះកូន ពិតជាសំខាន់ និងមានសារៈប្រយោជន៍ច្រើនណាស់ សម្រាប់ម្តាយ និងកូន ប៉ុន្តែ តើការបន្តការបំបៅដោះកូនយូរពេក មានផលវិបាកអ្វីខ្លះដែរឬទេ? ក្នុងប្រទេសមួយចំនួន វាពិតជាមិនអីនោះទេ ហើយវារឹតតែមានសុខភាពល្អ និងផ្តល់ប្រយោជន៍ច្រើនថែមទៀតផង។

យ៉ាងណាមិញ ក្នុងបណ្តាប្រទេសមួយចំនួន ការបន្តបំបៅដោះ នឹងទទួលការរិះគន់ច្រើន ពីអ្នកជិតខាងរបស់អ្នកជាមិនខានឡើយ។

សារៈប្រយោជន៍

• ទោះបីជាកូនរបស់អ្នក អាចទទួលបានវីតាមីន ឬសារធាតុចិញ្ចឹមពីរបបអាហារ ឬទឹកដោះគោក៏ដោយ ទឹកដោះម្តាយនៅតែមានប្រយោជន៍ និងផ្តល់នូវកាឡូរី វីតាមីន អង់ស៊ីម និងអង្គការពាររាងកាយដល់កូនរបស់អ្នកដដែល

• កូនរបស់អ្នកនឹងមានរាងកាយរឹងមាំ ហើយមិនងាយឈឺនោះទេ

• ពេលកូនអ្នកឈឺក៏ដោយ ទឹកដោះម្តាយ ជារបស់ដែលមានប្រយោជន៍ និងមានសុវត្ថិភាពក្នុងការទទួលទាន ជាងអាហារដទៃទៀត

• ការបំបៅដោះ ក៏មានប្រយោជន៍សម្រាប់អ្នកម្តាយផងដែរ ពីព្រោះ ពួកគេអាចចាកឆ្ងាយពីជំងឺនានាដូចជា ជំងឺបេះដូង ជំងឺទឹកនោមផ្អែម និងជំងឺលើសសម្ពាធឈាមជាដើម

• អ្នកអាចសន្សំថវិការបានមួយកម្រិតដែរ

• វាមានភាពងាយស្រួលក្នុងបំបៅកូន

• ទំនាក់ទំនងរបស់អ្នក និងការកូនកាន់តែល្អទៅៗ៕