Join with Health.com.kh on Telegram

អង្គការ​សុខភាព​ពិភពលោក​បាន​ចាត់​ទុក COVID-19 បំប្លែង​ខ្លួន​ថ្មី B.1.1.529 ជា​មេរោគ​ព្រួយបារម្ភ និង​ដាក់​ឈ្មោះ​អូ​មី​ក្រុង (Omicron) ។ នេះ​បើ​យោង​តាម​ប្រភព​នាយកដ្ឋាន​ប្រយុទ្ធ​នឹង​ជំងឺឆ្លង CDC បាន​បង្ហោះ​នា​ព្រឹក​ថ្ងៃ​ទី​២៧ វិ​ច្ឆ​កា ២០២១​នេះ ។

នាយកដ្ឋាន​ប្រយុទ្ធ​នឹង​ជំងឺឆ្លង CDC​បាន​បន្ត​ថា វា​ជា​ប្រភេទ​មេរោគ​បំប្លែង​ថ្មី​ដែល​ឆ្លង​លឿន​ខ្លាំង​ទ្វេ​ដង ជាង​ទម្រង់​ដែល​តា ទៅ​ទៀត ។

ប្រភព​រក​ឃើញ​ដំបូង​នៅ​ប្រទេស​អាហ្វ្រិក​ខាងត្បូង បន្ទាប់​មក​រក​ឃើញ​នៅ​ប្រទេស​បុត​ស្វា​ណា (Botswana), ណា​មី​បៀ (Namibia), ហ្ស៊ី​ម​បាប​វ៉េ (Zimbabwe), ឡេ​សូ​ថូ (Lesotho) និង​អេ​ស្វា​ទី​នី (Eswatini)​ដែល​ជា​ប្រទេស​ស្ថិត​នៅ​ទ្វីបអាហ្វ្រិក ។

ថ្មី​ៗ​នេះ​ទៀត​រក​ឃើញ​ចំនួន​ពីរ​ករណី​នៅ​ក្រុង​ហុងកុង ដែល​ធ្វើ​ដំណើរ​ត្រលប់​ពី​ប្រទេស​អាហ្វ្រិក​ខាងត្បូង និង​កំពុង​រក​ឃើញ​ដែរ​នៅ​ប្រទេស​ដទៃ​ទៀត​ដូច​ជា អ៊ី​ស្រា​អែ​ល អង់គ្លេស បែ​ល​ហ្សិ​ក ។
សូម​បន្ត​អនុវត្ត​ន៌ ៣​កុំ ៣​ការពារ និង​ចាក់​វ៉ាក់សាំង​គ្រប់​ដូ​ស និង​ដូ​ស​ជំរុញ ៕