​ចលនា​យឺតៗ របស់​ថៃ​ជិ ដែល​ជា​លំ​ហាត់ប្រាណ តាំងពី​បុរាណ​របស់​ចិន អាច​ជួយ​ពង្រឹង​ដល់ តួនាទី​រាងកាយ សម្រាប់​មនុស្ស​ជំទង់ ដែល​កំពុង​មាន​ជំងឺ​ប្រចាំកាយ ជាពិសេស សម្រាប់​អ្នក​ដែល​មាន​ជំងឺ​មហារីក​ដោះ ខ្សោយបេះដូង រលាក​សន្លាក់ឆ្អឹង ជំងឺ​ស្ទះ​សួត​។​

“​ពេល​អ្នក​ចាស់ ហើយ​មាន​អាការៈ​ជំងឺ ដូច​រៀបរាប់​ខាងលើ​នេះ ថៃ​ជិ អាច​ជួយ​ឲ្យ​សុខភាព​របស់​អ្នក បាន​ប្រសើរ​ឡើង​” នេះ​បើ​យោង​តាង​សំដី​របស់ សាស្ត្រាចារ្យ Darlene Reid មកពី​សាកលវិទ្យាល័យ Toronto ប្រទេស​កាណាដា​។​

​គាត់​បាន​បន្ថែមថា ថៃ​ជិ មាន​ចលនា​ថ្ម​មៗ យឺតៗ ដែល​អាច​ជួយ​ពង្រឹង​ដល់​កម្លាំង តុល្យភាព ជំហរ និង​ការបត់បែន​បាន​យ៉ាង​ល្អ​។​ ​បន្ថែម​ពីលើ​នេះ ថៃ​ជិ ក៏​អាច​ជួយ​ដោះស្រាយ​បញ្ហា​ផ្លូវចិត្ត​បាន​ផង​ដែរ​។​

​សាស្ត្រាចារ្យ Reid បាន​បន្តទៀតថា គុណសម្បត្តិ​របស់​ថៃ​ជិ គឺ​អ្នក​អាច​ធ្វើ​វា​គ្រប់​ទីកន្លែង ដោយ​មិន​ចាំ​មាន​ឧបរណ៍​អ្វី​ឡើយ ហើយ​អ្នក​អាច​ធ្វើ​វា​ជា​ក្រុម ឬ​ម្នាក់ឯង​បាន​ដោយ​ងាយ​។​ ​លោក​សាស្ត្រាចារ្យ បាន​បញ្ជាក់ទៀតថា ជាធម្មតា កម្មវិធី​នៃ​ការហាត់​ថៃ​ជិ មាន​រយៈពេល ១២ អាទិត្យ ហើយ​ម្តងៗ មាន​រយៈពេល​មួយ​ម៉ោង​។ ជាធម្មតា គេ​ហាត់​ថៃ​ជិ ២ ទៅ ៣ ដង​ក្នុង​មួយអាទិត្យ​៕