ការធ្វើទុក្ខប្លែកៗ បន្ទាប់ពីចាក់វ៉ាក់សាំង

ជាទូទៅការចាក់វ៉ាក់សាំងអាចនឹងធ្វើទុក្ខមួយចំនួនដូចជាគ្រុណក្តៅ រងារញាក់ និង ឈឺនៅកន្លែងចាក់វ៉ាក់សាំងជាដើម។ ប៉ុន្តែវាក៏មានការធ្វើទុក្ខចម្លែកៗមួយចំនួនទៀតដែលយើងត្រូវដឹង ផងដែរកុំអោយភ័យខ្លាំងពេក។

ឈឺនិងព្រិលភ្នែក

អ្នកខ្លះក្រោយពីចាក់វ៉ាក់សាំងហើយអាចនឹងឈឺភ្នែក ព្រិលភ្នែក។ ប៉ុន្តែសញ្ញាទាំងនេះមិនគួរបារម្ភពេកទេ ពីព្រោះវាអាចនឹងបាត់ទៅវិញ។

ស្ពឹកមុខមាត់

នេះជាសញ្ញាមួយដែលជាការធ្វើទុក្ខដល់ប្រព័ន្ឋសរសៃប្រសាទ។ វាអាចកើតមាន ចំពោះអ្នកចាក់វ៉ាក់សាំង AstraZeneca។

កណ្តាស

ការសិក្សាស្រាវជ្រាវបានបង្ហាញថាកណ្តាសគឺជាសញ្ញាមួយដែលអាចកើតមានក្រោយការចាក់វ៉ាក់សាំង ឬក៏ បន្ទាប់ពីមានប្រវត្តិធ្លាប់ឆ្លងមេរោគកូវីដ២៩។

ឈាមរដូវប្រែប្រួល

ស្ត្រីគ្រប់រូបគួរដឹងថាផលរំខានដែលបណ្តាលមកពីការចាក់វ៉ាក់សាំងអាចបណ្តាលអោយមានការប្រែប្រួលឈាមរដូវ។ ដូច្នេះស្ត្រីគ្រប់រូបមិនត្រូវភ័យពេកឡើយ បើសិនជាសម្គាល់ថាខ្លួនមានការប្រែប្រួល ឈាមរដូវក្រោយពេលចាក់វ៉ាក់សាំង។

ហើមឬក្រហមដៃកន្លែងចាក់

អ្នកខ្លះអាចនឹងមានការហើមដៃកន្លែងចាក់វ៉ាក់សាំង ឬក៏ការក្រហមដៃកន្លែងចាក់អាចអូសបន្លាយពេល។

ចូរចងចាំងថាការធ្វើទុក្ខទាំងនេះគឺកម្រនឹងកើតមានណាស់ហើយវាអាចព្យាបាលនិងគ្រប់គ្រងបាន។ ដូច្នេះ អ្នកមិនត្រូវខ្លាចការចាក់វ៉ាក់សាំងឡើយ ពីព្រោះវ៉ាក់សាំងនឹងមានសារសំខាន់ណាស់ ការពារខ្លួនអ្នកពីមេរោគកូវីដ១៩៕