Join with Health.com.kh on Telegram

រាជធានី​ភ្នំពេញ ៖ អនុ​គណៈកម្មការ​ស្រាវជ្រាវ​ជំងឺ​កូ​វី​ដ​១៩ បាន​ប្រកាស​នៅ​ថ្ងៃ​ទី​៣០ ខែសីហា​នេះ​ថា ក្រុម​គ្រូពេទ្យ​សម្ដេច​តេ​ជោ​ប្រឆាំង​កូ​វី​ដ​១៩ បាន​យក​សំណាក​អាជីវករ​នៅ​ផ្សារ​ដើម​គរ លើ​ផ្លូវ​៣៣៦ សង្កាត់​ផ្សារ​ដើម​គរ ខណ្ឌទួលគោក សង្ស័យ​ករណី​កូ​វី​ដ​១៩ បំប្លែង​ថ្មី Delta ។

អនុ​គណៈកម្មការ​ស្រាវជ្រាវ​ជំងឺ​កូ​វី​ដ​១៩ បាន​បញ្ជាក់​ថា មូលហេតុ មាន​អ្នកជំងឺ​បាន​ទៅ​ផ្សារ​ទិញ​ម្ហូប លើ​ដងផ្លូវ​៣៣៦ ចន្លោះ​ថ្ងៃ​ទី​១៣ ដល់​ថ្ងៃ​ទី​២៧ ខែសីហា ឆ្នាំ​២០២១ អំឡុង​ម៉ោង​១​រសៀល ។

ជា​លទ្ធផល​តេស្ត​រហ័ស​លើក​ទី​១ ក្នុង​ចំណោម​អ្នក​ធ្វើតេស្ត ២១៧​នាក់ រក​ឃើញ​វិជ្ជមាន​កូ​វី​ដ ០២​នាក់ផង​ដែរ ប៉ុន្តែ​សម្រាប់​អ្នក​វិជ្ជមាន​កូ​វី​ដ ០២​នាក់​ខាងលើ ត្រូវ​បន្ត​រង់ចាំ​លទ្ធផល​វិភាគ​រក​មេរោគ​កូ​វី​ដ​១៩ បំប្លែង​ថ្មី Delta ។

សូម​ប្រជាពលរដ្ឋ និង​អាជីវករ​ទាំងអស់ ដែល​ពាក់ព័ន្ធ និង​ទីតាំង​ខាងលើ សូម​មេត្តា​សហការ​ទៅ​យក​សំណាក និង​ដាក់ខ្លួន​ដាច់​ដោយឡែក ដើម្បី​សុវត្ថិភាព សូម​យកចិត្តទុកដាក់ តាមដាន​សុខភាព​របស់​ខ្លួន​រយៈពេល ២១​ថ្ងៃ ៕