រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹក ថ្ងៃទី២៧ ខែសីហា ឆ្នាំ២០២១ថា កម្ពុជាបានរកឃើញអ្នកឆ្លងជំងឺកូវីដ១៩ បំប្លែងថ្មីសរុបទាំងអស់ចំនួន ១៥៣៤នាក់ ក្នុងរាជធានី ខេត្តចំនួន២៣ លើកលែងតែខេត្ត២ប៉ុណ្ណោះ គឺខេត្តកែប និងខេត្តក្រចេះ ។
ក្រសួងបានបញ្ជាក់ថា តាមលទ្ធផលនៃការវិភាគដោយវិទ្យាស្ថានប៉ាស្ទ័រកម្ពុជា ចាប់តាំងពីថ្ងៃទី៣១ ខែមីនា ឆ្នាំ២០២១ និងវិទ្យាស្ថានស្រាវជ្រាវសុខភាពសាធារណៈ រហូតមកដល់ថ្ងៃទី២៦ ខែសីហានេះ បានរកឃើញករណីឆ្លងវីរុសដែលតា នៅក្នុងប្រទេសកម្ពុជាសរុបទាំងអស់អស់ចំនួន ១៥៣៤នាក់ ក្នុ្ងនោះមានស្ត្រី ៧៦៤នាក់។
ភាគច្រើនចំនួនអ្នកឆ្លងវីរុសបំប្លែងថ្មីដែលតា គឺកើតឡើងទៅលើអ្នកដំណើរមកពីក្រៅប្រទេសតាមជើងហោះហើរ ពលករខ្មែរត្រឡប់មកពីប្រទេសថៃ ពីប្រទេសវៀតណាម ប្រជាជនអ្នកភូមិនៅក្នុងសហគមន៍ ក្រុមហ៊ុនឯកជន បុគ្គលិកសុខាភិបាល អាជីវករ មន្ត្រីរាជការ យោធា ពិរុទ្ធជន អ្នកបកប្រែភាសា ជនជាតិបរទេស បុគ្គលិករោងចក្រកាត់ដេរ បុគ្គលិកធនាគារ ដូនជីនៅវត្តនិងសិស្ស ។
ដូច្នេះ សូមបងប្អូន កុំប្រហែសជាមួយកូវីដ១៩ ឬប្រភេទបំប្លែងថ្មីដែលតានេះឲ្យសោះ ព្រោះវាមានភាពឆ្លងលឿនរហ័សជាងកូវីដធម្មតា ៕