ខេត្តរតនគិរី ៖ រដ្ឋបាលខេត្តរតនគិរី បានប្រកាសនៅព្រឹកថ្ងៃទី២០ ខែសីហានេះថា សម្រេចបិទខ្ទប់ជាបណ្ដោះអាសន្នទីតាំងចំនួន០៤កន្លែង នៅស្រុកអណ្ដូងមាស ខេត្តរតនគិរី ។
រដ្ឋបាលខេត្តរតនគិរី បានបញ្ជាក់ថា ប្រការ១ ត្រូវបានបិទខ្ទប់ជាជាបណ្ដោះអាសន្នទីតាំងចំនួន ០៤កន្លែង ស្ថិតនៅស្រុកអណ្ដូងមាស ខេត្តរតនគិរី ចាប់ពីថ្ងៃទី១៨ ខែសីហា ឆ្នាំ២០២១ រហូតដល់មានការសម្រេចជាថ្មី មានដូចខាងក្រោម ៖
១. ស្ថានីយ៍លក់ប្រេងឥន្ធនៈ សុខ សុខុម (អាជីវករលក់ទូរស័ព្ទដៃ)
២. គេហដ្ឋានរបស់លោក សេង សារាក់ (អ្នកលក់អាហារពេលព្រឹក)
៣. គេហដ្ឋានរបស់លោក ស៊ុ សែន (អាជីវករវេរលុយវីង និងលក់អាហារ)
៤. គេហដ្ឋានរបស់លោក សែម វ៉ាន់ស៊ីម (ហាងមីហឹរ)
ការបិទទីតាំងជាបណ្ដោះអាសន្ននេះ គឺក្នុងគោលបំណង ដើម្បីទប់ស្កាត់ការរាលដាលនៃជំងឺកូវីដ-១៩ ក្រោយពីបានរកឃើញមានវិជ្ជមានជំងឺកូវីដ-១៩ តាមរយៈការធ្វើតេស្ដរហ័ស ។
ចំពោះប្រជាពលរដ្ឋដែលមានការពាក់ព័ន្ធផ្ទាល់ ឬប្រយោលជាមួយទីតាំងខាងលើ សូមអញ្ជើញមកជួប ឬជូនដំណឹងដល់ក្រុមការងារមន្ដ្រីសុខាភិបាល របស់មន្ទីរសុខាភិបាលនៃរដ្ឋបាលខេត្តរតនគិរី ដើម្បីយកសំណាកទៅធ្វើតេស្ដជាបន្ទាន់ ចាប់ពីថ្ងៃទី១៨ ខែសីហា ឆ្នាំ២០២១ នេះតទៅ ៕
