ដោយ វេជ្ជ ម៉ែន បញ្ញារតន៍
ការស្រាវជ្រាវវិទ្យាសាស្ត្រទ្រង់ទ្រាយធំបានបង្ហាញពីគ្រោះថ្នាក់ខ្លាំងរបស់ស្ត្រីមានផ្ទៃពោះ នៅពេលដែលពួកគេឆ្លងកូវីដ១៩។
ដូច្នេះ ស្រ្តីក្នុងវ័យបន្តពូជ និងស្រ្តីមានផ្ទៃពោះ សូមធ្វើការសម្រេចចិត្តឲ្យបានត្រឹមត្រូវ ដោយជ្រើស រើសយក ការចាក់វ៉ាក់សាំងការពារកូវីដ១៩។
ការសិក្សាដ៏ធំមួយទៀត ដែលពិនិត្យមើលទិន្នន័យរបស់ស្រ្តីមានផ្ទៃពោះចំនួន ៨៦៩០៧៩ នាក់ ដែលចូលមកសម្រាលកូននៅមន្ទីរពេទ្យនិងមណ្ឌលវេជ្ជសាស្រ្តចំនួន ៤៩៩ កន្លែង នៅសហរដ្ឋអាមេរិក ក្នុងចន្លោះពីថ្ងៃទី ១ មិនា ២០២០ ដល់ថ្ងៃទី ២៨ កុម្ភះ ២០២១ បង្ហាញអោយឃើញថា :
• ស្រ្តីដែលចូលមកសម្រាលកូន ដោយមានកើតកូវីដ១៩ ផងនោះ មានអត្រាស្លាប់ ក្នុងមន្ទីរពេទ្យចំនួន ១៥ ដង លើសស្រ្តីដែលចូលមកសម្រាលកូនដោយមិនមានកើតកូវីដ១៩។
• ស្រ្តីដែលចូលមកសម្រាលកូន ដោយមានកើតកូវីដ១៩ ផងនោះ មានអត្រាត្រូវ ប្រើប្រាស់ម៉ាស៊ីនជំនួយដង្ហើមចំនួន ១៥ ដង ច្រើនជាងស្រ្តីដែលចូលមកសម្រាល កូនដោយមិនមានកើតកូវីដ១៩។
ឯកសារយោង: JAMA NETWORK OPEN