ខេត្តព្រះសីហនុ ៖ នេះជាលើកដំបូងសម្រាប់ខេត្តព្រះសីហនុ ដែលាបានរកឃើញអ្នកវិជ្ជមានជំងឺកូវីដ-១៩ បំប្លែងថ្មីប្រភេទ Delta នៅលើកុមារា អាយុ៨ឆ្នាំម្នាក់ ដែលបានធ្វើដំណើរត្រឡប់ពីព្រះរាជាណាចក្រថៃមកព្រះរាជាណាចក្រកម្ពុជា ។ នេះបើយោងតាម រដ្ឋបាលខេត្តព្រះសីហនុ បានបង្ហោះមុននេះបន្តិច ។
កុមារាដែលបានឆ្លងកូវីដបំប្លែងថ្មី Delta ខាងលើបានមកពីប្រទេសថៃ តាមច្រកឡែម ដោយធ្វើចត្តាឡីស័ក នៅខេត្តបន្ទាយមានជ័យ នៅថ្ងៃទី២ ខែកក្កដា ឆ្នាំ២០២១ និងបានមកដល់ខេត្តព្រះសីហនុ នៅថ្ងៃទី៦ ខែសីហា ឆ្នាំ២០២១ ដោយធ្វើចត្តាឡីស័ក នៅអគារព្យាបាលសាកាណា៣ និងនៅថ្ងៃទី៧ ខែសីហា ឆ្នាំ២០២១ ក្រុមគ្រូពេទ្យបានយកសំណាករបស់គាត់បញ្ជូនទៅធ្វើតេស្តវិភាគនៅវិទ្យាស្ថានប៉ាស្ទ័រ រហូតដល់ថ្ងៃទី១២ ខែសីហា ឆ្នាំ២០២១ ទទួលបានលទ្ធផល គឺមានវិជ្ជមានជំងឺកូវីដ-១៩ បំលែងថ្មីប្រភេទ Delta ។
អាស្រ័យដូចបានជម្រាបជូនខាងលើ សូមសាធារណជនទាំងអស់ មេត្តាជ្រាបជាព័ត៌មាន និងត្រូវបង្កើនការប្រុងប្រយ័ត្នខ្ពស់បំផុត ដោយអនុវត្តឱ្យបានខ្ជាប់ខ្ជួននូវគោលការណ៍ណែនាំរបស់ក្រសួងសុខាភិបាល និងអនុសាសន៍ ៣កុំ ៣ការពារ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។
ក្រសួងសុខាភិបាលបានប្រកាសរកឃើញអ្នកឆ្លងជំងកូវីដ១៩ បំម្លែងថ្មីនេះមានរហូតដល់ជាង៤០០នាក់ហើយ បើគិតត្រឹមថ្ងៃទី១០ខែសីហា ឆ្នាំ២០២១ ៕