រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី១១ ខែសីហានេះថា កម្ពុជាបន្តរកឃើញវីរុសកូវីដ-១៩ បំប្លែងថ្មី B.1.617.2 (Delta) ចំនួន៤៤ករណី នៅថ្ងៃទី១០ ខែសីហា ឆ្នាំ២០២១ ។
ក្រសួងសុខាភិបាលបានបន្តថា យោងតាមលទ្ធផលនៃការធ្វើវិភាគដោយវិទ្យាស្ថានប៉ាស្ទ័រកម្ពុជា បានរកឃើញករណីឆ្លងវីរុសកូវីដ-១៩ ដែលបំប្លែងថ្មីប្រភេទ B 1,617-2 (Delta) នៅក្នុងប្រទេសកម្ពុជាលើអ្នកដំណើរមកពីបរទេសតាមជើងហោះហើរចំនួន០១នាក់ ពលករខ្មែរត្រឡប់ពី ប្រទេសវៀតណាម តាមច្រកបាវិតចំនួន១២នាក់ ក្នុងនោះមានស្រី៥នាក់ បុគ្គលិកសុខាភិបាលចំនួន១នាក់ និងមន្ត្រីរាជការចំនួន១នាក់ ហើយសិស្សចំនួន៥នាក់ ស្រី៣នាក់ និងប្រជាជនអ្នកភូមិនៅក្នុងសហគមន៍ចំនួន២៤នាក់ ស្រី១៤នាក់ ។
សូមបញ្ជាក់ ៖ រហូតមកទល់ពេលនេះ មានអ្នកឆ្លងកូវីដ១៩ វីរុសបំប្លែងដែលតាចំនួន ៤២៩នាក់ហើយ ៕