Join with Health.com.kh on Telegram

ខេត្តសៀមរាប ៖ រដ្ឋបាល​ខេត្តសៀមរាប​បាន​ប្រកាស​នៅ​ព្រឹក​ថ្ងៃ​ទី​១០ ខែសីហា​នេះ​ថា រក​ឃើញ​អ្នក​វិជ្ជមាន​ជំងឺ​កូ​វី​ដ​១៩ ចំនួន​៦៩​នាក់ និង​ជា​សះស្បើយ​ចំនួន ២៦០​នាក់ ខណៈ​ស្លាប់​ម្នាក់ នៅ​ថ្ងៃ​ទី​០៩ ខែសីហា ឆ្នាំ​២០២១ ។

រដ្ឋបាល​ខេត្ត​បាន​ប្រកាស​ឱ្យ​ដឹង​ថា អ្នកជំងឺ​ដែល​រក​ឃើញ​ថ្មី​នេះ ករណី​ទី​១ ដល់ទី​៥ ជា​ករណី​មាន​ប្រភព​ចម្លង​ចេញពី​ផ្សា​រលើ​ធំ​ថ្មី​, ករណី​ទី​៦ គឺជា​ករណី​មាន​ប្រភព​ចម្លង​ចេញពី​ផ្សារ​កំពង់ក្ដី និង​ករណី​ទី​៧ ដល់ទី​៨ ជា​ករណី​ឆ្លង​មាន​ប្រភព​ចម្លង​ចេញពី​ផ្សារ​ចារ​-​ឈូក​។

ករណី​ទី​៩ ដល់ទី​២០ ជា​ករណី​មាន​ប្រភព​ចម្លង​បន្ត​ពី​អ្នកដំណើរ​មក​ពី​រាជធានី​ភ្នំពេញ ខេត្តកំពង់ធំ និង​ខេត្ត​រតនគីរី​, ករណី​ទី​២១ ដល់ទី​៦៨ គឺជា​ករណី​ពុំ​ទាន់​អាច​សន្និដ្ឋាន​ពី​ប្រភព​ចម្លង​ច្បាស់លាស់​នៅឡើយ និង​ករណី​ទី​៦៩ ជា​ប្រជាពលរដ្ឋ​ត្រឡប់​ពី​ប្រទេស​ថៃ មក​ដល់​ខេត្តសៀមរាប ហើយ​ជា​ករណី​សង្ស័យ ត្រូវ​បាន​ក្រុម​គ្រូពេទ្យ​ដាក់​ឱ្យធ្វើ​ច​ត្តា​ឡី​ស័ក នៅ​វិទ្យាល័យ​សម្តេចឪ ។

ចំពោះ​អ្នកជា​សះស្បើយ​ទាំង​២៦០​នាក់ ត្រូវ​បាន​ក្រុម​គ្រូពេទ្យ​បាន​អនុញ្ញាត​ឱ្យ​ចេញពី​មន្ទីរពេទ្យ​បង្អែក​ខេត្តសៀមរាប មណ្ឌល​ច​ត្តា​ឡី​ស័ក​គរុកោសល្យ និង​វិ​ក្រឹ​ត​ការ​ខេត្ត វិទ្យាល័យ​អង្គរ វិទ្យាល័យ​ហ៊ុន សែន វត្ត​ស្វាយ និង​វិទ្យាល័យ​ដំ​ដែក​ត្រឡប់​ទៅ​លំនៅ​ឋាន​វិញ ដោយ​ត្រូវ​បន្ត​ការ​ធ្វើ​ច​ត្តា​ឡី​ស័ក​រយៈពេល​១៤​ថ្ងៃ​។

សូម​បញ្ជាក់​ថា មក​ទល់​ពេល​នេះ ខេត្តសៀមរាប មាន​អ្នក​វិជ្ជមាន​ជំងឺ​កូ​វី​ដ​១៩ ចំនួន ៥,៤៧០​នាក់ ។ ក្នុង​នោះ​បាន​ព្យាបាល​ជា​សះស្បើយ​ចំនួន ៣,២២៥​នាក់ ស្លាប់ ៦៣​នាក់ និង​២,១៨២​នាក់ កំពុង​សម្រាក​ព្យាបាល​នៅ​មន្ទីរពេទ្យ​បង្អែក​ខេត្តសៀមរាប មណ្ឌល​ច​ត្តា​ឡី​ស័ក​គរុកោសល្យ និង​វិ​ក្រឹ​ត​ការ​ខេត្ត វិទ្យាល័យ​អង្គរ វិទ្យាល័យ ហ៊ុន សែន វត្ត​ស្វាយ និង​វិទ្យាល័យ​ដំ​ដែក ៕