Join with Health.com.kh on Telegram

ខេត្តរតនគិរី ៖ កាលពី​ថ្ងៃ​ទី​០២ ខែសីហា ឆ្នាំ​២០២១ ក្រុមការងារ​ឆ្លើយ​តប​បន្ទាន់​មន្ទីរ​សុខាភិបាល​នៃ​រដ្ឋបាល​ខេត្តរតនគិរី បាន​យក​វត្ថុ​វិភាគ​អ្នក​វិជ្ជមាន​ជំងឺ​កូ​វី​ដ​-១៩ ដើម្បី​ធ្វើ​វត្ថុ​វិភាគ​(PCR Test) នៅ​វិទ្យាស្ថាន​ប៉ាស្ទ័រ​កម្ពុជា​ចំនួន​១២​នាក់ ជា​លទ្ធផល​បាន​រក​ឃើញ​មេរោគ​បំប្លែង​ខ្លួន​ថ្មី​(Delta) ចំនួន​០៩​ករណី ។ នេះបើយោងតាមរដ្ឋបានរតនគិរីបានបង្ហោះនាយប់ថ្ងៃទី០៧ ខែសីហានេះ ។

តាម​របាយការណ៍​ពី​មន្ទីរ​សុខាភិបាល​នៃ​រដ្ឋបាល​ខេត្ត​បានឱ្យ​ដឹង​ថា អ្នក​ទាំងនោះ​ជា​ពលរដ្ឋ​ធ្វើ​ដំណើរ​មក​ពី​ស្រុក​សូត្រ​និគម ខេត្តសៀមរាប ដើម្បី​បម្រើ​ការងារ​នៅ​ក្រុមហ៊ុន​វិនិយោគ​ដី​សម្បទាន​សេដ្ឋកិច្ច​ក្នុង​ខេត្តរតនគិរី កាលពី​ថ្ងៃ​ទី​១៣ ខែកក្កដា ឆ្នាំ​២០២១ ដោយ​បាន​ធ្វើ​ច​ត្តា​ឡី​ស័ក និង​បន្ទាប់​មក​ក្រុមការងារ​សុខាភិបាល​បាន​ធ្វើ​វត្ថុ​វិភាគ (Rapid-Test) រក​ឃើញ​វិជ្ជមាន​កាលពី​ថ្ងៃ​ទី​០១ ខែសីហា ឆ្នាំ​២០២១ និង​បាន​បញ្ជូន​ទៅ​ព្យាបាល​នៅ​មណ្ឌល​ព្យាបាល​វិទ្យាល័យ​ត្រពាំង​ក្រហម ស្រុក​កូន​មុំ​។

បច្ចុប្បន្ន​អាជ្ញាធរ​បាន​យក​អ្នក​វិជ្ជមាន​មេរោគ​បំប្លែង​ថ្មី (Delta) ទាំង​០៩​នាក់ ដាក់​ព្យ​បាល​ដាច់​ដោយឡែក​ពី​អ្នក​វិជ្ជមាន​ដ៏​ទៃ​ទៀត និង​ស្រាវជ្រាវ​រក​អ្នក​ពាក់ព័ន្ធ​ដើម្បី​ធ្វើតេស្ដ​រក​មេរោគ កាត់​ផ្ដាច់​ការ​ចម្លង​ចូល​ក្នុង​សហគមន៍ ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង