នៅព្រឹកថ្ងៃទី៧ ខែសីហា ឆ្នាំ២០២១ កងកម្លាំងដឹកជញ្ជូនរបស់ការិយាល័យទី៤ យោធភូមិភាគទី៣ បានប្រុងប្រៀបត្រៀមកម្លាំង រថយន្ត និងសម្ភារ:បំពាក់ដោយបានត្រួតពិនិត្យបច្ចេកទេសរថយន្តរួចរាល់ ដើម្បីត្រៀមចេញដំណើរដឹកពលករវិលត្រឡប់មកធ្វើចត្តាឡីស័កតាមបណ្តាខេត្តក្នុងប្រទេសវិញនៅពេលមានបទបញ្ជា។ នេះបើយោងតាមកងទ័ពជើងគោកនៃកងយោធពលខេមរភូមិន្ទបានបង្ហោះ ។
ការត្រៀមកម្លាំង និងរថយន្តនេះ ដោយយោងតាមបទបញ្ជាដ៏ខ្ពង់ខ្ពស់របស់សម្តេច អគ្គមហាសេនាបតី តេជោ ហ៊ុន សែន នាយករដ្ឋមន្ត្រី និងឯកឧត្តម ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទមេបញ្ជាការកងទ័ពជើងគោក ដើម្បីរំលែកពលករដែលបានធ្វើចត្តាឡីស័ក១សប្តាហ៍រួចហើយត្រូវដឹកមកធ្វើចត្តាឡីស័កនៅតាមបណ្តាខេត្តស្រុកកំណើតរបស់ពួកគេបន្តទៀតធ្វើយ៉ាងកុំឲ្យមានការកកស្ទះមណ្ឌលចត្តាឡីស័កនៅព្រំដែន ៕