Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នា​ព្រឹក​ថ្ងៃ​ទី​០៦ ខែសីហា​នេះ​ថា រក​ឃើញ​វីរុស​កូ​វី​ដ​-១៩ ប្រភេទ Delta ចំនួន​៦៧​នាក់​ទៀត​បន្ថែម​ទៀត ក្នុង​នោះ​មាន​ម្នាក់ ​ជា​អ្នកលក់​នំ​បញ្ចុក​ស្រុះ​នៅ​ក្នុង ផ្សារ​តូច​ទួល​សង្កែ ដែល​សរុប​មក​ដល់​ថ្ងៃនេះ មាន​ចំនួន ៣២៧​នាក់​ហើយ ។

យោង​តាម​ការ​វិភាគ​សំណាក​របស់​វិទ្យាស្ថាន​ប៉ាស្ទ័រ បាន​រក​ឃើញ​ថា នៅ​ថ្ងៃ​ទី​៤ ទី​៥ ខែសីហា​កន្លង​មកនេះ បាន​រក​ឃើញ​ប្រភេទ​វីរុស​កូ​វី​ដ​១៩​បំប្លែង​ខ្លួន​ថ្មី ឆ្លង​នៅ​ក្នុង​តំបន់​ជា​ច្រើន ដែល​មាន​ទាំង​សហគមន៍ និង​អ្នកដំណើរ​ពី​ក្រៅប្រទេស ។

ដោយនៅ​ថ្ងៃ​ទី​៤ ខែសីហា នៅ​ក្នុង​ប្រទេស​កម្ពុជា លើ​អ្នកដំណើរ​មក​ពី​បរទេស​តាម​ជើងហោះហើរ ចំនួន ៣១​នាក់ (​ស្រី ១៦​នាក់​) និង​អាជីវករ​លក់​នំ​បញ្ចុក​ស្រះ នៅ​ក្នុង​ផ្សារ​តូច​ទួល​សង្កែ​រាជធានី​ភ្នំពេញ​១​នាក់ (​ប្រុស​) ។

ចំពោះ​ថ្ងៃ​ទី​៥ ខែសីហា ប្រទេស​កម្ពុជា បាន​រក​ឃើញ​លើ​អ្នកដំណើរ​មក​ពី​បរទេស​តាម​ជើងហោះហើរ ចំនួន ០២​នាក់ (​ស្រី​០​នាក់​) ប្រជាជន​អ្នក​ភូមិ​នៅ​ក្នុង​សហគមន៍​ចំនួន ២៤​នាក់ (​ស្រី​១០​នាក់​) និង​ពលករ​មក​ពី​ប្រទេស​ថៃ​ចំនួន ៩​នាក់ (​ស្រី ៦​នាក់​) ។

ការ​រក​ឃើញ​វីរុស​កូ​វី​ដ​-១៩ បំប្លែង​ថ្មី Delta ចំនួន ៦៧​ករណី​ថ្មី​បន្ថែម​នេះ គឺ​មាននៅ​រាជធានី​ភ្នំពេញ ខេត្តព្រះវិហារ ខេត្តកំពង់ធំ ខេត្តស្ទឹងត្រែង ខេត្ត​ឧត្ត​មាន​ជ័យ ខេត្តសៀមរាប ខេត្តកំពង់ចាម ខេត្តបន្ទាយមានជ័យ ខេត្ត​ស្វាយ​វៀង ៕