Join with Health.com.kh on Telegram

ចំនួនអ្នកឆ្លងកូវីដ១៩នៅប្រទេសថៃបានឡើងខ្ពស់បំផុតមិនធ្លាប់ដល់២០៩២០នាក់ ក្នុងរយះពេល ២៤ម៉ោងចុងក្រោយ។ នេះបើតាមការផ្សាយសារព័ត៌មានរបស់កាសែតបាងកក ប៉ុស្ត៍របស់ ថៃនៅថ្ងៃព្រហ័ស្ប៍នេះ។

កាសែតបាងកកប៉ុស្ត៍ក៏បានអោយដឹងផងដែរថាមានអ្នកស្លាប់ចំនួន១៦០នាក់នៅក្នុងរយះពេល២៤ម៉ោងចុងក្រោយគិតត្រឹមថ្ងៃព្រហស្បត៍។

តួលេខអ្នកឆ្លងកូវីដ១៩សរុបនៅប្រទេសថៃបានឡើងដល់ជិត៧សែនហើយ ខណះដែលចំនួនអ្នក ស្លាប់មានសរុប៥៦៦៣នាក់។

ភាពធ្ងន់ធ្ងរនៃការរាតត្បាតកូវីដ១៩នៅប្រទេសថៃក៏បានជះឥទ្ឋិពលអាក្រក់ផងដែរដល់ស្ថានភាពកូវីដ១៩នៅកម្ពុជា ខណះដែលមានពលករកម្ពុជាជាច្រើនអ្នកបានឆ្លងកូវីដ១៩នៅប្រទេសថៃ ហើយបាន ធ្វើដំណើរមកកម្ពុជាដើម្បីគេចចេញពីស្ថានភាពលំបាក។

ការវិលត្រឡប់របស់ពួកគេបានធ្វើអោយកម្ពុជាមានករណីកូវីដ១៩នាំចូលជាច្រើនរយនាក់ជារៀងរាល់ថ្ងៃដោយធ្វើអោយស្ថានភាពកូវីដ១៩នៅកម្ពុជាក៏ស្ថិតនៅក្នុងស្ថានភាពគួរអោយបារម្ភ ទោះបីជាមិនទាន់ដល់ អាក្រក់ដូចប្រទេសជិតខាង៕