រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹកថ្ងៃទី០៥ ខែសីហានេះថា កម្ពុជាបន្តរកឃើញអ្នកវិជ្ជមានកូវីដ-១៩ថ្មី ចំនួន៥៩១នាក់ ជាសះស្បើយចំនួន៦១៨នាក់ និងស្លា.ប់ថ្មីចំនួន ១៩នាក់ ។
ក្រសួងបានឲ្យបន្តថា ៖«រកឃើញអ្នកឆ្លងថ្មី៥៩១នាក់ទៀត ជាសះស្បើយ ៦១៨នាក់ និងស្លា.ប់ថ្មី ១៩នាក់ ក្នុងនោះមានករណីឆ្លងពីព្រឹត្តិការណ៍សហគមន៍២០កុម្ភៈ មានចំនួន៤០៨ នាក់ និងអ្នកដំណើរពីបរទេស១៨៣ នាក់ ។
គិតត្រឹមព្រឹកថ្ងៃទី០៥ ខែសីហា ឆ្នាំ២០២១ មានអ្នកឆ្លងជំងឺកូវីដ១៩ សរុបនៅទូទាំងប្រទេសមានចំនួន ៨០,២២៥នាក់ និងអ្នកព្យាបាលជាសះស្បើយមានចំនួន ៧៣,៤២១នាក់ ខណៈ អ្នកស្លាប់ដោយសារជំងឺកូវីដ១៩នេះកើនរហូតដល់១,៥០៧ នាក់ផងដែរ ៕