ប្រជាជនឥណ្ឌួនេស៊ីនៅតំបន់មួយបានផ្អើលនាំគ្នាប្រើទឹកដូង ទឹកឃ្មុំ និង ក្រូចឆ្មារលាយចូលគ្នាដើម្បី ព្យាបាលជំងឺ កូវីដ១៩ បន្ទាប់ពីមានអ្នកជំងឺកូវីដ១៩ជនជាតិឥណ្ឌូនេស៊ីបានអះអាង ថាការប្រើទឹកដូង ជាមួយ ទឹកឃ្មុំនិងក្រូចឆ្មារបានធ្វើអោយគាត់ជាពីជំងឺកូវីដ១៩។
នេះបើតាមការផ្សាយរបស់សារព័ត៌មាន ហ្សាកាតាប៉ុស្ត៍ដ៏ល្បីនៅប្រទេសឥណ្ឌូនេស៊ី។
សារព័ត៌មាន នេះបាននិយាយថាទឹកដូង លាយទឹកឃ្មុំ និងនទឹកក្រូចឆ្មារ បានក្លាយ ជាថ្នាំព្យាបាលកូវីដ១៩របស់ ប្រជាជន នៅតំបន់ West Aceh regent នៃប្រទេសឥណ្ឌូនេស៊ី។
បុរសម្នាក់ឈ្មោះរ៉ាមីលបាននិយាយប្រាប់សារព័ត៌មានឥណ្ឌូនេស៊ីថាគាត់បានផឹកទឹកដូងលាយទឹកឃ្មុំនិងទឹកក្រូចឆ្មារពីដងក្នុងមួយថ្ងៃគឺបន្ទាប់ពីអាហារពេលព្រឹកនិងអាហារពេលល្ងាច។ គាត់ជឿថាវាបាន ជួយគាត់អោយជាពីជំងឺកូវីដ១៩។
ប៉ុន្តែទោះបីជាយ៉ាងណាក្តី ក្រសួងខាភិបាលឥណ្ឌូនេស៊ីបានប្រឆាំងនឹងការអះអាងនេះ។ មន្ត្រីជំនាញ សុខាភិបាលនិយាយថានេះគឺជាការយល់ច្រឡំខុសក្នុងចំណោមសាធារណជននៅឥណ្ឌូនេស៊ី។
ប្រជាជនកម្ពុជាមិនត្រូវជឿទៅលើការផ្សព្វផ្សាយព័ត៌មានណាមួយដែលថាមានថ្នាំផ្សំខ្លួនឯងអាចជួយព្យាបាលកូវីដ១៩បានឡើយ៕