រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ថ្ងៃ​ទី​៣០ ខែមេសា​នេះ​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី​ចំនួន​៧៦១​នាក់ ខណៈ​ព្យាបាល​ជា​សះស្បើយ​១៦៦​នាក់ ។

ក្រសួង​បាន​ឲ្យ​ដឹង នៅ​ថ្ងៃ​ទី​៣០ មេ​សា ឆ្នាំ​២០២១ រក​ឃើញ​អ្នក​ឆ្លង​ថ្មី 761​នាក់​ទៀត ជា​សះស្បើយ 166​នាក់ និង​ស្លាប់ 02​នាក់ ។

ក្រសួង​ថា ករណី​ឆ្លង​សហគមន៍ 760 នាក់ អ្នកដំណើរ​ពី​បរទេស 01 នាក់ ។ អ្នក​ឆ្លង​នៅ​ភ្នំពេញ 408​នាក់ ខេត្តកណ្ដាល 144​នាក់ ខេត្ត​ព្រះ​សីហ​នុ 83​នាក់ ខេត្តបន្ទាយមានជ័យ 67​នាក់ ខេត្តតាកែវ 15​នាក់ ខេត្តសៀមរាប 14​នាក់ ខេត្តកំពង់ស្ពឺ​13​នាក់ ខេត្តកំពង់ចាម 6​នាក់ ខេត្ត​ត្បូងឃ្មុំ 5​នាក់ ខេត្តព្រៃវែង​3​នាក់ ខេត្តកំពង់ធំ 1​នាក់ កោះកុង 1​នាក់ ។

ក្រសួង​បាន​បន្ត​ថា គិត​ត្រឹម​ព្រឹក​ថ្ងៃ​ទី​30 ខែមេសា ឆ្នាំ​២០២១​អ្នក​ឆ្លង​សរុប 13402 នាក់ អ្នកជា​សះស្បើយ​5152 នាក់ អ្នក​កំពុង​ព្យាបាល​8150 នាក់ អ្នក​ស្លាប់ 93 នាក់ ៕