រាជធានី​ភ្នំពេញ ៖ ក្រសួងសុខាភិបាល​បាន​បញ្ជាក់​នៅ​ថ្ងៃ​ទី​២៦ ខែមេសា ឆ្នាំ​២០២១ បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី ចំនួន​៥៨០​នាក់ និង​ព្យាបាល​ជា​សះស្បើយ​១៧៧​នាក់ ។

ក្រសួង​បាន​លើក​ឡើង​ថា អ្នក​ឆ្លង​ថ្មី​នេះ​មាន​១​នាក់ ជា​អ្នកដំណើរ ក្រៅពី​នោះ​សុទ្ធតែ​ពាក់ព័ន្ធ​នឹង​ព្រឹត្តិការណ៍​សហគមន៍​២០​កុម្ភៈ ។

ក្រសួង​បញ្ជាក់​ថា​«​រក​ឃើញ​អ្នក​ឆ្លង​ថ្មី ៥៨០​នាក់​ទៀត និង​ជា​សះស្បើយ ១៧៧​នាក់ ។ ករណី​ឆ្លង​សហគមន៍ ៥៧៩​នាក់ និង​អ្នកដំណើរ​ពី​បរទេស​០១​នាក់ ក្នុង​នោះ​នៅ​ភ្នំពេញ 337​នាក់ ខេត្ត​ព្រះ​សីហ​នុ 91​នាក់ ខេត្តបន្ទាយមានជ័យ 91​នាក់ ខេត្តកណ្ដាល​51​នាក់ ខេត្តកំពង់ធំ 2​នាក់ ខេត្តព្រៃវែង​2​នាក់ ខេត្តស្វាយរៀង 1​នាក់ ខេត្ត​ត្បូងឃ្មុំ​១​នាក់ ខេត្ត​កែប​1​នាក់ ខេត្តកំពង់ឆ្នាំង​1​នាក់ ខេត្តកំពង់ស្ពឺ 1​នាក់ ។

ក្រសួង​ថា គិត​ត្រឹម​ព្រឹក ថ្ងៃ​ទី​២៦ ខែមេសា ឆ្នាំ​២០២១ អ្នក​ឆ្លង​សរុប ១០៥៥៥ នាក់​អ្នកជា​សះស្បើយ ៣៥៧៧ នាក់​អ្នក​កំពុង​ព្យាបាល ៦៨៩២ នាក់​នឹង​អ្នក​ស្លាប់​៧៩ នាក់​៕