រាជធានីភ្នំពេញ ៖ ក្រសួងសុខាភិបាលបានបញ្ជាក់ថា ចំនួនអ្នកឆ្លងជំងឺកូវីដ១៩ នៅរាជធានីភ្នំពេញ នៅតែមានចំនួនច្រើនរហូតដល់៣៣១នាក់ ក្នុងចំណោមអ្នកឆ្លង៤៤៦នាក់ ។
ក្រសួងសុខាភិបាលបានឲ្យដឹង នៅថ្ងៃទី២២ មេសាថា រកឃើញអ្នកឆ្លងជំងឺកូវីដ១៩ សរុបចំនួន៤៤៦នាក់ ខណៈព្យាបាលជាសះស្បើយចំនួន១៣០នាក់ ។ អ្នកឆ្លងទាំងនោះសុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ។
ចំណែកព្យាបាលជាសះស្បើយវិញមានចំនួន១៣០នាក់ មាន៣នាក់ជាអ្នកដំណើរមកពីក្រៅប្រទេស ។ ក្រសួងគូសបញ្ជាក់ថា រកឃើញអ្នកឆ្លងថ្មី៤៤៦នាក់ទៀតបន្ថែម (សហគមន៍ទាំង៤៤៦នាក់) និងជាសះស្បើយ១៣០នាក់ ។
អ្នកឆ្លងទាំងនោះមាននៅរាជធានីភ្នំពេញ331នាក់ ខេត្តព្រះសីហនុ 82នាក់ ខេត្តកណ្ដាល 21នាក់ ខេត្តតាកែវ 5នាក់ ខេត្តកំពង់ស្ពឺ ២នាក់ ខេត្តស្វាយរៀង1នាក់ ខេត្តបន្ទាយមានជ័យ1នាក់ ខេត្តបាត់ដំបង1នាក់ ខេត្តកំពង់ចាម 1នាក់ និងខេត្តព្រៃវែង1នាក់ ។
ក្រសួងបានលើកឡើងទៀតថា គិតត្រឹមព្រឹក ថ្ងៃទី២២ ខែមេសា ឆ្នាំ២០២១ អ្នកឆ្លងជំងឺកូវីដ១៩សរុប៨១៩៣ នាក់ អ្នកជាសះស្បើយ២៩២៤នាក់ អ្នកកំពុងព្យាបាល៥២០៤ នាក់ អ្នកស្លាប់៥៩ នាក់៕