រាជធានី​ភ្នំពេញ ៖ ក្រសួងសុខាភិបាល​បាន​បញ្ជាក់​ឲ្យ​ដឹង នៅ​ថ្ងៃ​ទី​២១ ខែមេសា ឆ្នាំ​២០២១​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី​ចំនួន​៣០៣​នាក់ ខណៈ​ព្យាបាល​ជា​សះស្បើយ​២៣៩​នាក់ ។

ក្រសួងសុខាភិបាល​បាន​ឲ្យ​ដឹង​ថា អ្នក​ឆ្លង​ជំងឺ​កូ​វី​ដ​១៩​ថ្មី បន្ថែម​នេះ​សុទ្ធតែ​ពាក់ព័ន្ធ​នឹង​ព្រឹត្តិការណ៍​សហគមន៍​២០ កុម្ភៈ​ទាំងអស់​ក្នុង​នោះ​មាននៅ​រាជធានី​ភ្នំពេញ 248​នាក់ ខេត្តកណ្ដាល 26​នាក់ ខេត្ត​ព្រះ​សីហ​នុ 19​នាក់ ខេត្តតាកែវ 8​នាក់ និង​ខេត្តកំពត 2​នាក់ ។

ក្រសួង​ថា គិត​ត្រឹម​ព្រឹក ថ្ងៃ​ទី​២១ ខែមេសា ឆ្នាំ​២០២១ មាន​អ្នក​ឆ្លង​កូ​វី​ដ​១៩ សរុប​៧៧៤៧ នាក់ អ្នកជា​សះស្បើយ​២៧៩៤ នាក់ អ្នក​កំពុង​ព្យាបាល​៤៨៩៣​នាក់ និង​អ្នក​ស្លាប់​៥៤ នាក់ ៕