រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក ថ្ងៃ​ទី​២០ ខែមេសា ឆ្នាំ​២០២១​នេះ បាន​ប្រកាស​ពី​ការ​ស្លា​.​ប់​របស់​អ្នក​ជំ​ងឹ​កូ​វី​ដ​១៩ ចំនួន ៤​នាក់​ទៀត ដោយសារ​ជំងឺ​កូ​វី​ដ​១៩ ក្នុង​នោះ​សុទ្ធតែ​ជនជាតិ​ខ្មែរ​ទាំងអស់ ។

ក្រសួង​បាន​បញ្ជាក់​ថា អ្នកជំងឺ​កូ​វី​ដ​១៩ ទាំង​៤​នាក់​ខាងលើ ដែល​បាន​ស្លាប់​ដោយសារ​កូ​វី​ដ​១៩ រួម​មាន ៖
១ – បុរស​ជនជាតិ​ខ្មែរ អាយុ ៦៥​ឆ្នាំ រស់នៅ​សង្កាត់​ភ្នំពេញ​ថ្មី ខណ្ឌ​សែន​សុខ រាជធានី ភ្នំពេញ ស្លាប់​ដោយសារ​កូ​វី​ដ​១៩ ។
២ – បុរស​ជនជាតិ​ខ្មែរ អាយុ ៧២​ឆ្នាំ រស់នៅ​សង្កាត់​ជើងឯក ខណ្ឌដង្កោ រាជធានី​ភ្នំពេញ បាន​ស្លាប់​ដោយសារ​កូ​វី​ដ​១៩ ។

៣ – ស្ត្រីជន​ជាតិខ្មែរ​អាយុ ៤៨​ឆ្នាំ រស់នៅ​ខេត្ត​ព្រះ​សីហ​នុ បាន​ចូល​សម្រាក ពេទ្យ​នៅ​ថ្ងៃ​ទី​១៨ ខែមេសា ឆ្នាំ​២០២១ វេលា​ម៉ោង ០៩៖៣០​នាទី ។ បន្ទាប់​ពី​បាន​រក​ឃើញ​វិជ្ជមាន​កូ​វី​ដ​-១៩ ជាមួយ​រោគ​សញ្ញា​ហត់​ដង្ហក់​ខ្លាំង មាន​ស្ថានភាព​ពិបាក​ដកដង្ហើម​ដែល​តម្រូវ​ឱ្យ​គ្រូពេទ្យ​ប្រើប្រាស់​ម៉ាស៊ីន​ជំនួយ​ដង្ហើម​ភ្លាម​ៗ ដើម្បី​ជួយ​សង្គ្រោះ​ប៉ុន្តែ​មិន​អាច​ជួយ​សង្គ្រោះ​អ្នកជំងឺ​បាន គាត់​បាន​ស្លាប់​បាត់បង់​ជីវិត​នៅ​ថ្ងៃ​ទី​១៩ ខែមេសា ឆ្នាំ​២០២១ វេ​ល់​ម៉ោង ១៣៖៤០​នាទី ។
៤ – ស្ត្រីជន​ជាតិខ្មែរ អាយុ ៤០​ឆ្នាំ រស់នៅ​សង្កាត់​ស្រះ​ចក ខណ្ឌដូនពេញ រាជធានី ភ្នំពេញ បាន​រក​ឃើញ​វិជ្ជមាន​កូ​វី​ដ​-១៩ រួច​ត្រូវ​បាន​ដាក់​ឱ្យ​ព្យាបាល​នៅ​មណ្ឌល​ព្យាបាល​ចាក់​អ​ង្រៃ នៅ​ថ្ងៃ​ទី​១៥ ខែមេសា ឆ្នាំ​២០២១ វេលា​ម៉ោង ១៣៖១០​នាទី ។

តាម​ការ​សន្និដ្ឋាន​របស់​ក្រុម​គ្រូពេទ្យ ស្ត្រី​រូប​នេះ បាន​ស្លាប់​បាត់បង់​ជីវិត​ដោយសារ​វិបត្តិ​ផ្លូវដង្ហើម​ស្រួច​ស្រាវ​ធ្ងន់ធ្ងរ និង​រលាក​សួត​ទាំង​សងខាង​ដោយសារ​វីរុស​កូ​វី​ដ​-១៩ ។
សូម​បញ្ជាក់​ថា គិតដល់​ត្រឹម​ព្រឹក​ថ្ងៃ​ទី​២០ ខែមេសា ឆ្នាំ​២០២១​នេះ អ្នក​ជំ​ងឹ​កូ​វី​ដ​១៩ ចំនួន ៤៩​នាក់​ហើយ បាន​ស្លា​.​ប់​បាត់បង់​ជីវិត​ដោយសារ​ជំងឺ​កូ​វី​ដ​១៩ ៕