រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី១៣ ខែមេសា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ថ្មីបន្ថែមចំនួន១៨១នាក់ ខណៈព្យាបាលជាសះស្បើយតែ៤០នាក់ ។
ក្រសួងបានបន្តថា អ្នកដែលរកឃើញឆ្លងជំងឺកូវីដ១៩ថ្មីនេះ មាន១៧៨នាក់ ឆ្លងពីព្រឹត្តិការណ៍សហគមន៍ ចំនួន២នាក់ ជាអ្នកដំណើរមកពីក្រៅប្រទេស និង១នាក់ជាពលករមកពីប្រទេសថៃ។
ក្រសួងបានគូសបញ្ជាក់ថា រកឃើញករណីឆ្លងថ្មីចំនួន១៨១នាក់ ក្នុងនៅឆ្លងពីសហគមន៍១៧៨នាក់ រួមមាននៅភ្នំពេញ១៤០នាក់នៅខេត្តស្វាយរៀង១៤នាក់ ខេត្តព្រះសីហនុ៨នាក់ ខេត្តព្រៃវែង ៦នាក់ ខេត្តសៀមរាប៤ នាក់ ខេត្តកណ្ដាល៣នាក់ ខេត្តព្រះវិហារ ១នាក់ ខេត្តតាកែវ១នាក់ ខេត្តក្រចេះ១នាក់ ។
ក្រសួងថា មានការឆ្លងពីសហគមន៍២០កុម្ភៈ សរុបកើនដល់ ៤១៦០នាក់ ធ្វើឲ្យអ្នកឆ្លងសរុប ៤៦៩៦ នាក់ អ្នកសម្រាកព្យាបាល ២៤០៦នាក់ និងអ្នកស្លាប់ ៣៣នាក់ ៕