Join with Health.com.kh on Telegram

របៀបរស់នៅមួយចំនួន ក៏អាចមានឥទ្ធិពលអវិជ្ជមាន ដល់ការមានកូនរបស់ស្ត្រីផងដែរ។ ឧទាហរណ៍រួមមាន បារី ការផឹកស្រា ទម្ងន់ធ្ងន់ពេក ឬស្រាលពេក ការធ្វើលំហាត់ប្រាណខ្លាំងៗពេក និងការញ៉ាំច្រើនពេក។ ស្ត្រេស ក៏អាចប៉ះពាល់ ដល់ការមានកូនផងដែរ។

មិនដូចស្ត្រីនោះទេ បុរសមួយចំនួន នៅតែអាចមានកូនបាន ទោះជាពួកគេ មានអាយុ ៦០ ឆ្នាំ ឬ ៧០ ឆ្នាំក៏ដោយ។ ប៉ុន្តែ នៅពេលដែលបុរស មានវ័យកាន់តែចាស់ ពួកគេអាចចាប់ផ្តើម មានបញ្ហានៃរូបរាង និងចលនា របស់មេជីវិតឈ្មោល។ ពួកគេក៏មានហានិភ័យខ្ពស់ នៃការមានហ្សែន នៃមេជីវិតឈ្មោល ខុសប្រក្រតីផងដែរ ឬពួកគេមិនអាចផលិត មេជីវិតឈ្មោលបាន ឬមានមេជីវិតឈ្មោលតិច។

ជម្រើសនៃរបៀបរស់នៅជាច្រើន អាចប៉ះពាល់ដល់ចំនួន និងគុណភាព នៃមេជីវិតឈ្មោល។ ស្រា និងថ្នាំញៀន ក៏អាចបណ្តាលឲ្យថយចុះ គុណភាពនៃមេជីវិតឈ្មោល បណ្តោះអាសន្នផងដែរ។ ហើយអ្នកស្រាវជ្រាវ កំពុងតែមើលថាតើ ជាតិពុលក្នុងបរិយាកាស ដូចជា ថ្នាំសម្លាប់សត្វល្អិតជាដើម អាចជះឥទ្ធិពលទៅលើ ករណីនៃការមិនមានកូន ឬយ៉ាងណា។ បុរស ក៏អាចមានបញ្ហាសុខភាព ដែលប៉ះពាល់ដល់ មុខងារផ្លូវភេទផងដែរ។ បញ្ហាអាចរួចមាន ជំងឺកាមរោគ ជំងឺទឹកនោមផ្អែម ការវះកាត់ក្រពេញប្រូស្តាត ឬគ្រោះថ្នាក់ធ្ងន់ធ្ងរ លើពងស្វាស៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង