ផ្លែឈើ មិនត្រឹមតែល្អ ចំពោះសុខភាពនោះទេ ប៉ុន្តែ វាពិតជាអាច ជួយឲ្យអ្នកស្រស់ស្អាត និងក្មេងជាងវ័យថែមទៀតផង។
ផ្លែឈើ ជួយឲ្យស្បែកភ្លឺ មានសំណើម និងមិនងាយជ្រីវជ្រួញ។
ល្អបំផុត អ្នកគួរតែញ៉ាំផ្លែឈើ ឲ្យបានពីរបីមុខ ឆ្លាស់គ្នាជារៀងរាល់ថ្ងៃ ដើម្បីទទួលលទ្ធផល គួរជាទីពេញចិត្ត។ អញ្ចឹង តើផ្លែឈើអ្វីខ្លះ ដែលយើងគួរទទួលទាន ឲ្យបានច្រើននោះ? ផ្លែអី ក៏បានដែរ! ផ្លែអី ក៏មានប្រយោជន៍ដែរ!
ផ្លែប៉ោម
ផ្លែប៉ោម អាចផ្តល់សំណើម និងធ្វើឲ្យស្បែកម៉ត់ល្អ។ ផ្លែប៉ោម ជួយកម្ចាត់ជាតិពុល បញ្ហាមុន និងស្នាមជាំខ្មៅៗ។ វីតាមីននៅក្នុងផ្លែប៉ោម អាចជួយឲ្យស្បែក មើលទៅស្រស់ថ្លា និងរស់រវើក។
ទំពាំងបាយជូរ
សារធាតុ flavonoids ដែលមាននៅក្នុងទំពាំងបាយជូរ ពិតជាល្អ ចំពោះស្បែក និងសុខភាព។ ទំពាំងបាយជូរ មានផ្ទុកទៅដោយ អង់ទីអុកស៊ីដង់ និងសារធាតុប្រឆាំងអុកស៊ីតកម្ម ដែលវាអាចជួយកម្ចាត់មុន និងសម្លាកបានផងដែរ។
ល្ហុង
ល្ហុង ជាផ្លែឈើផ្តល់សំណើមលេខមួយ ហើយថែមទាំងជួយឲ្យស្បែក ភ្លឺរលោងទៀតផង។ ល្ហុង អាចជួយកម្ចាត់ជាតិពុល និងធ្វើឲ្យស្បែកភ្លឺរលោង។
ក្រូច
ក្រូច សម្បូរវីតាមីន C ដែលមានសារៈប្រយោជន៍បំផុត សម្រាប់ការសាងសង់ ជាតិកូឡាជែន ដើម្បីទប់ស្កាត់ ភាពជ្រីវជ្រួញ និងការចាស់ទៅតាមអាយុ។ ការញ៉ាំក្រូចពីរបីផ្លែរាល់ថ្ងៃ ល្អជាងការលាបឡេ មួយថ្ងៃដប់ដងទៅទៀត។
ចេក
ចេក អាចកាត់បន្ថយស្នាមជ្រួញ និងជួយឲ្យស្បែកម៉ត់ថ្លា។ ចេក អាចជួយកាត់បន្ថយ ស្នាមជ្រីវជ្រួញ៕