រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹកថ្ងៃទី៦ ខែមេសា ឆ្នាំ២០២១នេះថា បានរកឃើញអ្នកឆ្លងថ្មី៧២នាក់បន្ថែមទៀត ខណៈជាសះស្បើយមាន៤៧នាក់ ។
ក្រសួងសុខាភិបាលបានបញ្ជាក់ថា រកឃើញករណីឆ្លងថ្មីចំនួន ៧២នាក់ ក្នុងនោះឆ្លងក្នុងព្រឹត្តិការណ៍សហគមន៍ ២០ កុម្ភៈ មានចំនួន៧១នាក់ ក្នុងភូមិសាស្ត្រ រាជធានីភ្នំពេញចំនួន ៣៤ នាក់ ខេត្តព្រះសីហនុ២២ នាក់ ខេត្តស្វាយរៀង៣នាក់ ខេត្តកំពត ១ នាក់ ខេត្តកណ្តាល៨ នាក់ ខេត្តពោធិ៍សាត់៣ នាក់ និងខេត្តព្រៃវែង ១ នាក់ ។ ចំណែក១ ករណីទៀតជាករណីនាំចូលកម្ពុជា០១នាក់ ។
ក្រសួងបន្តថា គិតត្រឹមព្រឹកថ្ងៃទី០៦ ខែមេសា ឆ្នាំ២០២១ អ្នកឆ្លងសរុ ២៨២៤ នាក់ អ្នកជាសះស្បើយ១៧៩៤នាក់ អ្នកកំពុងព្យាបាល១០០៣ នាក់ អ្នកស្លាប់២២នាក់៕