រាជធានី​ភ្នំពេញ ៖ ក្រសួងសុខាភិបាល​បាន​បញ្ជាក់ នៅ​ថ្ងៃ​ទី​៥ ខែមេសា ឆ្នាំ​២០២១ បាន​ឲ្យ​ដឹង​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី​បន្ថែមចំនួន​៦៣​នាក់ ខណៈ​ព្យាបាល​ជា​សះស្បើយ​រហូត​ដល់​៩៤​នាក់ ។

ក្រសួង​បាន​លើក​ឡើង​ថា អ្នក​ឆ្លង​ជំងឺ​កូ​វី​ដ​១៩ ចំនួន​៦៣​នាក់ សុទ្ធតែ​ពាក់ព័ន្ធ​នឹង​ព្រឹត្តិការណ៍​សហគមន៍​២០​កុម្ភៈ​ទាំងអស់ និង​ភាគច្រើន​ជា​អ្នក​ឆ្លង​នោះ គឺ​នៅ​ខេត្ត​ស្វាយ​វៀង រាជធានី​ភ្នំពេញ ខេត្ត​ព្រះ​សីហ​នុ ជាដើម ។ ចំណែក​អ្នក​ព្យាបាល​ជា​សះស្បើយ​ចំនួន​៩៤​នាក់ ជា​អ្នក​ពាក់ព័ន្ធ​នឹង​ព្រឹត្តិការណ៍​សហគមន៍​ទាំងអស់ ។

ក្រសួង​បាន​ឲ្យ​ដឹង​ទៀត​ថា អ្នក​ដែល​ឆ្លង​ក៏​មាន​កុមារី​ជនជាតិ​ខ្មែរ​ម្នាក់ អាយុ​៨​ឆ្នាំ រស់នៅ​ខេត្ត​ស្វា​វៀង ផង​ដែរ ។ ក្រសួង​បាន​បញ្ជាក់​ថា​រក​ឃើញ​អ្នក​ឆ្លង​ថ្មី ៦៣​នាក់​ទៀត ចេញពី​ព្រឹត្តិការណ៍ សហគមន៍​ទាំង ៦៣​នាក់ និង​ជា​សះស្បើយ​៩៤​នាក់ ។

អ្នក​ឆ្លង​ជំងឺ​កូ​វី​ដ​១៩​នៅ​រាជធានី ភ្នំពេញ​៣០​នាក់ ខេត្តស្វាយរៀង ២២​នាក់ ខេត្ត​ព្រះ​សីហ​នុ ៦​នាក់ ខេត្តកណ្ដាល ១​នាក់ ខេត្តព្រៃវែង​១​នាក់ ខេត្តកោះកុង​១​នាក់ ខេត្តកំពង់ឆ្នាំង ១​នាក់ ។

ក្រសួង​បាន​លើក​ឡើង​ថា គិត​ត្រឹម​ព្រឹក ថ្ងៃ​ទី​០៥ ខែមេសា ឆ្នាំ​២០២១​អ្នក​ឆ្លង​ជំងឺ​កូ​វី​ដ​១៩​សរុប​នៅ​ទូ​ទាំង​ប្រទេស​មាន​ចំនួន​២៧៥២ នាក់ អ្នក​ព្យាបាល​ជា​សះស្បើយ​មាន​ចំនួន​១៧៤៧ នាក់ និង​អ្នក​កំពុង​ព្យាបាល​ចំនួន ៩៧៩ នាក់ – និង​អ្នក​ស្លាប់​ដោយសារ​ជំងឺ​កូ​វី​ដ​១៩​នេះ​មាន​ចំនួន​២១ នាក់​៕