រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី៣ ខែមេសានេះ ថាបានព្យាបាលជាសះស្បើយអ្នកឆ្លងជំងឺកូវីដ១៩មានចំនួនច្រើនរហូតដល់៣២៩នាក់ ខណៈរកឃើញអ្នលឆ្លងថ្មីបន្ថែមចំនួន៩៩នាក់ ។
ក្រសួងសុខាភិបាល នៅថ្ងៃទី៣ មេសា ឆ្នាំ២០២១បានឲ្យដឹងថា អ្នកដែលព្យាបាលជាសះស្បើយចំនួន៣២៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈនឹងមាន២នាក់អ្នកដំណើរមកពីក្រៅប្រទេស ។ អ្នកដែលព្យាបាលជាសះស្បើយភាគច្រើននៅខេត្តកណ្តាល រាជធានីភ្នំពេញ ។ ក្រសួងសុខាភិបាលក៏បានឲ្យដឹងថា អ្នកដែលឆ្លងភាគច្រើនៅខេត្តស្វាយវៀង រាជធានីភ្នំពេញ កោះកុង កណ្តាល ត្បូងឃ្មុំជាដើម ។
ក្រសួងបានបញ្ជាក់ថា រកឃេីញករណីឆ្លងថ្មីចំនួន៩៩នាក់ក្នុងនោះសហគមន៍ ៩៩នាក់ នៅក្នុងភូមិសាស្ត្រស្វាយរៀង ៤៤ នាក់ភ្នំពេញ ៣៣ នាក់កោះកុង ៨នាក់ កណ្ដាល ៥ នាក់ព្រះសីហនុ ៤នាក់ តាកែវ ១ នាក់ ត្បូងឃ្មុំ ៤នាក់ និងបានព្យាបាលជាសះស្បើយ ៣២៩នាក់។
ក្រសួងបានឲ្យទៀតថា ការឆ្លងជំងឺនេះធ្វើឲ្យចំនួនឆ្លងនៅក្នុងសហគមន៍សរុបកេីនដល់ ២១១៦នាក់ក្នុងចំណោម អ្នកឆ្លងសរុប ២៦៤៥នាក់ ខណៈអ្នកសម្រាកព្យាបាល ១០៣៦នាក់នឹងអ្នកស្លាប់ ១៩នាក់ ៕