រាជធានីភ្នំពេញ ៖ក្រសួងសុខាភិបាលបានប្រកាស នៅថ្ងៃទី២៦ ខែមីនា ឆ្នាំ២០២១ រកឃើញករណីជំងឺកូវីដ-១៩ សរុបចំនួន ៩៦នាក់ (ឆ្លងសហគមន៌ទាំងអស់) និងមានជាសះស្បើយ ១៨នាក់ ។
ក្រសួងបានបន្តថា ចំនួនករណីជំងឺកូវីដ-១៩ សរុបកើន ១៩៦៨នាក់ ចំនួនសំរាកពេទ្យ ៨៨៤នាក់ និងចំនួនជាសះស្បើយសរុបកើន ១០៧៤នាក់ និងស្លាប់សរុបស្លាប់ ៨នាក់ ។
ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យនៅឃ្លាតឆ្ងាយពីគ្នា មិនចេញក្រៅផ្ទះ បើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ ។
យើងត្រូវបន្តគម្លាតបុគ្គលបន្តទៀត ដូចជា អង្គុយគម្លាតពីគ្នាឈររងចាំគម្លាតពីគ្នាឈរជជែកគ្នាគម្លាតពីគ្នា ។ ល។ យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ៕